Hindi pa rin mawala-wala sa isip ko ang mga nangyari kanina. Ang paghaharap ni Blade at Uncle Val, ang mga baril na nakatutok sa isa't isa, ang mga banta na lumalabas sa bibig nila at ang kagustuhan akong patayin. Alam ko na ang ugali ni Uncle Val, ngunit lumagpas sa inaasahan ko ang mga ipinakita niya.
Umupo ako sa kama ng hotel room kung saan kami pansamantalang tumutuloy.
"I hope you learned your lesson, Katana." Tumalikod si Blade. "I'm leaving, you need to rest—"
Bigla akong tumayo at hinawakan siya sa braso para pigilin. Maraming tanong sa isip ko at hindi ako makakatulog kapag hindi nasagot ang mga iyon.
"Sino ka ba talaga?" tanong ko kay Blade at tinitigan siya nang mataman.
Kumunot ang noo niya. "I'm Blade—"
"Pangalan lang ang alam ko, pero sino ka sa likod ng pangalang
