Nanginginig ang mga kamay ni Avi habang nakatayo sa harapan ng hotel room ni Cavin. Para siyang matutumba anytime pero dahil nangako na siya sa kaniyang sarili na simula kanina ay hindi na niya hahayaang siya lang ang masasaktan, naglabas siya ng tatlong malalalim na hininga bago nagdoorbell.
Desidido na si Avi na lumaya sa lahat ng mga taong walang ibang naging tingin sa kaniya kundi tagasalo ng mga kapalpakan sa kani-kanilang buhay. Bukod ron ay ayaw niyang matalo kay Jacob.
Rinig ni Avi ang mga yabag mula sa loob na naglalakad papalapit sa pinto. At nang mag-unlock ang pinto, pinigil niya ang kaniyang paghinga, inayos ang damit na suot, at itinuwid ang likod para tumikas ang pagkakatayo. Ngumiti siya, at magiliw na binati si Cavin, “Hi!”
Kita niya ang pagkagulat sa mukha ni Cavin k
