Narito ako sa garden ng hospital. Gabi na kaya kaunti na lang ang nandito. Napapairap na lang ako, dahil nasa paligid lang ang mga pulis na nagbabantay sa 'kin. Akala naman nila tatakas ako.
Naaamoy ko ang samyo ng mga bulaklak na nagkalat sa buong garden ng hospital. Humahalo 'yon sa simoy ng panggabing hangin. Tiningala ko ang madilim na kalangitan. Parang buhangin ang mga bituin sa sobrang dami n'yon.
Kapag ba nakulong ako, makikita ko pa rin ang magandang tanawin na 'to? Mararamdaman ko pa rin kaya ang malamig na hangin sa labas?
Bumuntonghininga ako sa kawalan.
Tatayo na sana ako nang may isang tao ang bigla na lang tumabi sa 'kin ng upo. Nilingon ko s'ya para sana malaman kung pasyente rin, ngunit nagulat ako na isang nakaunipormeng pang doktor na lalake ang nakita ko.
Mal
