Nakapag-adjust na ang mga mata ko sa dilim. Kahit papa'no ay nakikita ko naman sila nang mabuti, dahil sa liwanag na mayro'n sa labas.
"Wala kang ibang dalang gamit, dalawa lang ang ibig sabihin, wala kang pamilya o tinalikuran ka na nila."
Natuon ang atensyon ko sa babaeng nakasalamin sa mata saka ako sumagot, "'Yong huli."
Unti-unti silang lumapit sa 'kin. Mabilis kong nabilang kung ilan silang lahat—siyam na babae. Umupo sila sa sahig nang pabilog. Hindi naman ako t*nga para manatiling nakatayo lang, kaya umupo na rin ako.
"Si Brenda ang naghatid sa 'yo, ibig sabihin, galing ka pang korte."
Nilingon ko ang babaeng may pinakamahabang buhok sa kanila, just by one look at her, I can tell she's braver than me. Braver than anyone else inside this cell.
Lihim kong minura ang sarili ko
