“Ayoko na, Alysha…”
“Walang sinabi sa ‘kin ang mama mo. Ako lang talaga ang may gusto na tapusin na lang ‘tong namamagitan sa atin.”
“Hindi ko kaya…hindi ko na talaga kaya, Alysha.”
“Kapag naiisip kita, naaawa na lang ako sa sarili ko. Tanggapin na lang natin na bawal talaga tayo sa isa’t isa.”
“I’m sorry, Alysha. May gusto na akong iba.”
Natatawa na lang ako sa tuwing naaalala ang mga sinabi niya. Ang mga ipinangako niya sa akin ay hanggang salita lang pala. Nauto na naman ako. Hindi ko akalain na masasaktan ulit ako gayong pinipigilan ko naman ang sarili ko. Ang galing! Matalino akong tao pero umiral na naman ang tangahan ko sa pag-ibig na ‘yan.
Kasalanan ko rin talaga, hinayaan kong bumigay ang sarili ko lalo na sa mga binitiwang salita ni Julian. Buong akala ko siya na ang l
