Pinilit kong ituon ang buong atensyon ko sa nangyayaring kasal. Iniwasan kong mapatingin sa kaniya kahit pa panay ang bulong sa akin ni Amanda.
"Kaano-ano kaya nila iyong isa na katabi ni Don?" kuryosong tanong ni Amanda.
"Lily, tumingin na naman siya dito..." bulong ulit ni Amanda. Hindi ko tuloy mapigilang tignan din ang lalake. Nakatingin nga siya sa akin. Ang mga mata niya'y nakangiti at ang isang gilid ng labi ay nakaangat.
"Bakit siya ganoon tumingin?" tanong ulit ni Amanda.
"Aba malay ko! Lapitan mo at tanungin mo."
"Ito naman!"
KAPATID daw ito ni Kevin sabi ni Camila. Hindi ako makapaniwala na magkakapatid ang mga unang lalake sa buhay naming tatlo.
Walang alam sina Camila at Amanda tungkol sa madilim na nakaraan ko hanggang ngayon. Pinili kong ilihim ito sa kanila dah
