انا ..واللصة

فصلين 12 - 13

أنا واللصه فصلين 12 -13

_______________________

Aya Yoyo:

بسم الله الرحمن الرحيم

انا واللصه

حلقه 12

في حديقه الفلا كان يقف يتطلع إليها والي حديثها الشيق الممتع، كم أصبح يعشق النظر إليها وإلى ملامحها الطفولية الجذابة،انتبه من شروده وهى تقول بلهفة ...

ليلي: و ورد وياسمين و فل

عاصي بابتسامة : كل ده عاوزه تزرعيه .

ليلي: اه اصل انا بحب الورد قوي وكنت زرعه ورده واحده في بلكونه بيتنا وكنت بشربها كل يوم وارعيها واخاف عليها

قهقه عاصي بشدة ليقول لها :بتشربيها

إجابته ليلي بثقة : ايون وكنت بحبها جدا جدا

عاصي: ياه كل دا حب ،ههههه طيب على كده انتى عندك خبره حلوة بقي في زراعة علي كده

ليلي بتأكيد وثقة : ايون طبعا جدا مش شايف اهو نحط البذر و نرش ميه بس كده روح بقي انت شغل ميه بسرعة عشان نشرب الزرعة

عاصي: بردوا نشربها، و بعدين انتى كمان حتشغليني حاضر يا ستي تحت امرگ .

امسك خرطوم ميه وشغلها

ليلي بغضب: ايه ده حاسب انت غرقتني ابعد ميا عندي .

عاصي: ههههه معلش مختش بالي

ليلي: انت بتضحك على ايه طيب تعالي بقي

عاصي :يا مجنونه الدنيا برد مترشيش عليا

جري دخل جوه بسرعه. قبل أن ترشه بالميه ، خرجت دادة من المطبخ ليلتفت عاصي بسرعة يختفى خلفها

داده: ايه ده في ايه يا ولاد

اقترب عاصي منها بسرعة ليحتمى خلفها :داده عاوزه ترش عليا ميه

ليلي بغضب : ابعدي كده يا داده حض*به يعني حض*به شوفتي غرقني ازاي

عاصي: لا متبعديش يا داده هههههه

داده: بس بقى يا ولاد غيرو هدومكم الاكل جهز يلا يا ليلي علي اوضتك

ليلي بغضب : لا انا مختش حقي

عاصي: ههههه أنا طالع يا داده اغير هدومى

طالعته ليلي بحاجبان مرتفعان لتقول بغضب طفولى:وربنا لاض*بك لما تنزل ها

دخل اوضته يغير ملابسه، نظر إلي باب عندما خبطت عليه فاطمه

عاصي: مين

فتحت الباب ثم دخلت مباشرة لتقول بابتسامة :أنا يا ابني

بادرلها عاصي الابتسامة ليقول: ادخلي يا داده في حاجة

أغلقت خلفها باب لتقول : اه الاكل جهز

عاصي: طيب حنزل مالك في حاجه

داده: بصراحه اه

عاصي: قولي

داده: ايه رايك في ليلي

عاصي: من ناحيه ايه

داده: اخلاقها وادبها

عاصي: كويسه

داده: طيب ما تتجوزها

عاصي بحزن : مينفعش

داده: ليه

عاصي: هي بتعتبرني اخوها

داده :ملكش صالح انت مهم انت موافق

عاصي: حتعملي ايه يا داده

داده :ملكش فيه انت كلام نسوان وخرجت وتركته يفكر في الموضوع..

______________________

كانت نائمة في سريرها

طالعها يوسف بخوف وهو يدس جسدها أسفل اللحاف : هات لحاف تاني ياعم ابراهيم

ابراهيم :حاضر يبني اهو

يوسف: بحزن دي لسه بتترعش عم ابراهيم اطلب احمد يجي بسرعه

ابراهيم :حاضر يا ابني ونزل وتركه ....

قعد جنبها يغطيها ليحادثها بندم : فوقي ارجوكي انا اسف فوقي ومش حضايقك تاني انا بس بحب اناكفك عشان انتي بتعصبيني ومبتسمعيش كلام . قطع كلامه دخول ابراهيم

ابراهيم :يوسف احمد جيه

دخل احمد ليقول : مساء الخير مالها جويريه

يوسف: وقعت في حمام سباحه شوفها بسرعه يا احمد

احمد: حاضر اطمنوا انا حعلقلها محلول حتبقي كويسه بس لازم حد يغيرلها لحسن تبرد اكتر هدومها كلها ميه

يوسف بغضب شديد :مين يغيرلها سيبها زي مهيا كده

احمد: حتبرد لازم تغير

ابراهيم :طيب ابعت اجيب حد

يوسف :حد مين ياعم ابراهيم كل خدم عندنا رجاله

احمد: خلاص حبعتلكم حد من عندي في الفلا بعد اذنكم

[٢٤/‏١١ ٣:٣٧ م] Aya Yoyo

في غرفة جويرية

بعد ساعتين فاقت وجدت نفسها نايمه علي سرير استقامت ثم طالعت ملابسها لتقول :

جويريه: انا فين

طالعها يوسف بهدوء ليقول : في اوضتك حمد الله علي السلامه

جويريه بتقشيره.. :مين غيرلي هدومي انطق ياا بني ادم

استقام يوسف بغضب ليقول : انتي علي طول كده ل**نك طويل و متبري منك

أشارت جويريه له بأحد كفيها لتقول: و لو منطقتش حيبقي ل**ني وايدي ورجلي

رفع يوسف أحد حاجبيه بخبث ليقترب منها هاتف بثقة :والله طيب و ريني كده

كمشت جويريه جسدها برعب لتقول : انت عاوز ايه منى

يوسف: يعني حعوز منك ايه يا حسره انتي فاكره نفسك حاجه

جويريه بغضب: أيوة طبعا، غصب عنك يا .

يوسف: يا ايه قولي عشان اقطعلك ل**نك

دخل ابراهيم علي صوتهم .

ابراهيم :في ايه يا ولاد انتو علي طول كده خناق

خرج يوسف بدون كلام وتركم بمفردهم

ابراهيم :مالك يا بنتي كنتو بتشاكلو ليه

جويريه بخجل :دي قليل الادب يا عم ابراهيم، دا غيرلي هدومي

ابراهيم :حرام عليكي يا جويرية دائما ظالمة يوسف دا احمد جاب بنت م عنده غيرتلك دي كان قلقان قوي عليكي صدقيني

جويريه بحزن : طيب

ابراهيم: يلا انزلي اتعشي تحت واعتزريله

جويريه بتردد : بس

ابراهيم بحنان : عشان خاطري

جويريه :حاضر

قامت غيرت هدومها ونزلت لقيت يوسف قاعد علي سفره قعدت بجانبه وبدات تاكل

ابراهيم بصلها عشان تتكلم ومشي وسابهم

طالعت جويريه طبقها بخجل لتقول :اسفه

لم ينظر لها ليجيبها : اوك

جويريه :شكرا

يوسف: علي ايه

جويريه :عشان اهتميت بيا وانا تغبانه

يوسف: طيب

جويريه :ممكن اسالك سوال

يوسف: قولي

جويريه :انت ليه بتكرهني كل ده عشان اخدت محفظتك

يوسف: لا عشان ل**نك طويل

جويريه بغيط : مش انت اللي بتغلط فيا

يوسف :وانتي بتغلطي فيا بردوا

جويريه: خلاص انا مش حغلط فيك تاني

يوسف: طيب اتفقنا واتا كمان

جويريه: اوك

____________________

انا واللصه

سبحان الله وبحمده سبحان الله العظيم

حلقه 13

في الصباح يوم جديد صحيت متاخره لبست في عجله اتجهت الي الاسفل كان عاصي قاعد علي سفره يتناول الفطار

اقتربت منه ليلي بابتسامه لتقول : صباح فل يا فل

بادلها عاصي بابتسامه ليقول : صباح خير يا ليلي

ليلي: انا مستعجله حمشي

داده: علي فين

ليلي: اتاخرت علي المحاضره

عاصي :طيب يلا بسرعه خلي عم محمد يوصلك

ليلي :حاضر سلام

عاصي: بابتسامه سلام ( يا حبيبتي)

اتجهت الي الخارج لعم محمد

ليلي :عم محمد يلا وصلني بسرعه اتاخرت

محمد: طيب ثواني اجيب عربيه الجب

ليلي: ليه مالها دي

محمد: لسه غسلها مينفعش نتحرك بيها

ليلي :طيب

ركبت عربيه الجب متجها الي الجامعه ونزلت تحت انظار الطلبه الذين لاحظو تغير عربيتها في يومين فانبهروا وتاكدوا من غناء ليلي الفاحش فهذه فتاه تغير عربيتها كل اسبوع مره نزلت واسرعت علي مدرج فخبططت ودخلت

لبلي :اسفه يا دكتور

وائل: انا بعاملكم زي اخواتي بس مش معني كده تتاخروا براحتكم اتفضلي يا انسه مكان مكنتي

ليلي: حاضر اسفه

خرجت بحزن متجها الي الكافتريا جلست حزينه فما حدث واحراجها أمام الطلبه

مي: صباح خير

ليلي: صباح خير

مي :مالك

ليلي: اصل دكتور طرتني

مي :ههههه دكتور مين

ليلي: واىل

مي :ماشي متقلقيش انا حخليه يدخلك

ليلي: يسلام ازاي حيسمع كلامك مثلا

مي: اه طبعا مش اخويا

ليلي :ايه دكتور وائل اخوكي

مي :ايوه

فجاه عم محمد جيه

ليلي :لازم امشي عربيه جات

مي: عربيتك

ليلي: بتردد وعم محمد بيزمر اه تبعي

مي :اه طيب متستني شويه نروح نقابل واىل دي مستقبلك

ليلي :طيب يلي قامت هي ومي واتجهت الي عم محمد

محمد: مش حنروح ياليلي هانم

ليلي :ثواني ياعم ابراهيم حروح للدكتور بسرعه وجايه

محمد :حاضر بس عاصي بيه مبيحبنيش اتاخر

ليلي :بسرعه حاضر يلي يا مي ومشوا

مي: عاصي ده اخوكي

ليلي :بتردد طيب حقولها ايه اه اخويا

مي: طيب يلي خبطت ودخلت لوائل

وائل: تعالي يا مي

مي: معايا ضيفه

وائل :اتفضلوا

ليلي: انا اسفه يا دكتور

وائل :خلاص يا انسه محصلش حاجه

ليلي :طيب شكرا بعد اذنكم

مي: خليكي

ليلي: معلش عشان سواق مستني بعد اذنكم وخرجت

مي: بنت كويسه

وائل: اه شكلها محترمه

مي: وبنت ناس وغنيه انت مشفتش راكبه عربيه شكلها ايه

وائل: للدرجاتي طيب

مي :دي لقطه لازم تخطبها

وائل: هو اي واحده والسلام

مي: لا مش اي واحده دي مفهاش غلطه

وائل :هي كويسه بس معرفهاش

مي: حنتعرف عليها

واىل :طيب خلصتي محاضراتك

مي :اه يلي نروح

واىل: يلي

وصلو فله فخمه وعليها حراسه كتير دخل بعربيته ونزلوا سويا فتحت خدامه باب

كوثر: حمدالله علي سلامه ياولاد

مي: الله يسلمك يا ماما حظري ليكي عندي مفاجاه

كوثر :ايه قولي

مي :وائل حيخطب

كوثر :بجد

وائل: انا يبت

مي :ايوه مش بنت عجبتك

كوثر: علي مين

مي: بنت في كليه معاه ومحترمه وبنت ناس وغنيه

كوثر: بجد طيب كويس امتي حنروح نشوفها

وائل :انتو حالا قررتوا

كوثر :طيب شوفها بس واقعد معاها يمكن تعجب بشخصيتها

وائل :طيب حشوفها في جامعه الاول واخد معاد منها

كوثر: طيب يبني يلي عشان تاكلوا

في فله يوسف نزلت مرتديه بجامه بيتي ونازله

جويريه: مسالخير

يوسف: مسالخير

جويريه: حمدالله علي سلامه

يوسف: باستغراب الله يسلمك

جويريه: الجو حلو يوم

يوسف :اه فعلا

جويريه :ممكن اطلع اتمشي بعد اءنك

يوسف( ايه الادب ده شكلها اتغيرت فعلا).لوحدك

جويريه :مش عارفه عادي ممكن اخرج لوحدي

يوسف: لا مينفعش في الجو ده ومنطقه دي محدش بيتمشي لوحده

جويريه: بحزن طيب خلاص مش عاوزه اخرج

يوسف: ممكن تخرجي معايا انا كمان بقالي مده متمشيتش ولا لعبت شويه رياضه

جويريه :بابتسامه يعني حنطلع

يوسف :اه حنتمشي علي الجبلايه الي جنينا دي والعب شويه ال**ب

جويريه :بفرحه اوك

يوسف: طيب اتغدي واطلعي البسي

جويريه :حاضر خلصت اكل بسرعه وطلعت لبست بنطلون وسوي شيرت وهو لبس بنطلون وبلوفر طلعت من الاوده مسرعه حتي لا يغير رايه فاصطدمت به..

يوسف: حاسبي طلعه بسرعه كده ليه

حويريه :اسفه بس قلت متاخرش عليك لتضايق وتغير رايك

يوسف( معقول وكمان بقيت تخاف لتزعلني غريبه) طيب يلي بينا تقلتي كويس

جويريه: ايوه

نزلوا وبداوا في مشي سويا

لو اقيت تفاعل كبير حنزل تاني ...

----------&&-----------

اقتباس حلقة قادمة

هتف يوسف وهو يطالعها بإعجاب ليقول : تعرفي ان شعرك جميل جدا

اخفضت جوبريه وجهها أرضا لتقول : شكرا

اقترب منها يوسف أكثر ، ليلمس شفايفها بانامله هاتف بقوة: وكلك جميله و حلوة

اخدت تبلع ريقها ثم قامت بسرعه لتبتعد عنه فأمسك يديها ليمنعها من الخروج ليقول وهو يطالع عينيها بقوة

يوسف : انا بحبك

توقفت عن الحركه عندما سمعت تلك الكلمه فهي لا تصدق ان واحد مثله بإمكانه ان يحب واحده زيها اقتربت منه وسألته لتتاكد : انت قولت ايه ...

يوسف: بحبك.. بحبك ..بحبك..

جويريه :بدموع انا .. انت متاكد

يوسف بتأكيد : ايوه متاكد

جويريه :يوسف انت سكران

اقترب منها ليفق ازرر قميصها ليقول بثقة : لا مش سكران انا بحبك فعلا