"Paano kami maniniwala na nakasama mo talaga si Landon sa San Ildefonso. Mukha namang edited ang picture na sinend mo." Tiyak na alam na ng lahat ng kaibigan ko dahil nasa gc na 'yong picture. Kaya ngayon unang bungad ni Lovella na hindi talaga ito naniniwala.
Isang linggo na rin simula nang nakabalik kami nila Kuya. Back to work na ang mga ito, habang ako, kung hindi tumambay maghapon sa bahay ay pakikipag-meet naman sa mga kaibigan ko ang inaatupag ko. Hindi ko na rin nakikita si Landon.
Aminado akong nami-miss ko ito. Kahit pa wala naman kaming relasyon nito.
"Kung ayaw n'yong maniwala, 'wag!" mahinhing ani ko sa mga ito. Humagod ang tingin ni Dhing sa ayos ko ngayon. Ako ngayon si Erza Scarlet ng Fairy Tale. Sabi ni Kuya CJ na miss daw n'ya ang mga outfit ko sa loob ng ilang araw
