Matapos magbihis ni Cindy ay napatingin siya sa hitsura niya.
"Okay na 'to," anas niya at bumaba na papuntang sala. Malayo pa lang ay nakita na niya si CT at Matthias na naglalaro. Mukhang ang saya pa ng kaniyang anak.
"Ahem," ani niya at umupo sa couch. Natigil ang dalawa sa paglalaro at napangiti nang makita siya. Kaagad na inilihis ng dalaga ang tingin niya nang makita ang guwapong mukha ni Matthias.
"Baby, Mommy and I will talk," saad ni Matthias. Kaagad na tinaasan siya ng kilay ng anak niya.
"So?" tanong nito.
"Iyong kami lang dalawa sana. It's a serious matter," paliwanag ni Matthias. Kaagad na ngumiti si CT at tumango.
"Okay, Daddy," ani nito at hinalikan ang pisngi ng ama niya t'saka tiningnan si Cindy at tinaasan siya ng kilay.
"Aba't.." inis niyang saad. Mukhang pin
