CHAPTER 34
THE MAFIA LADY BOSS
Tigib ng luha ang mga mata ni Mia. Binunot niya ang kanyang cellphone. Tama si Liam, kailangan na niya itong kausapin. Humihikbi siya habang hinihintay niyang sagutin ni Liam ang kanyang tawag. Ito na ang pinakamasakit na desisyon niya sa kanyang buhay ngunit alam niyang ito ang dapat at kailangan.
Nauubusan na si Liam ng pag-asa. Hindi niya alam kung tama at makikinig siya sa babaeng nakausap niya. Tama naman si Leigh sa mga sinabi nito ngunit hindi niya alam kung paano siya magsisimula at paano niya kakayanin. Ilang buwan na ba siya rito nagbabakasakali? Ilang beses nagpaballik-balik na puno ng pag-asa hanggang sa nababawasan rin pala, nauubos.
May iba siyang nararamdaman kay Leigh. Magaan ang loob niya rito. Parang matagal na niya itong kakilala.
