“SAAN tayo pupunta?” puno ng pagtatakang tanong ko kay Phillip pagkakitang ibang daan ang binabagtas niya.
“Sa bahay ko,” tipid na sagot niya. Lalong kumunot ang noo ko sa sinabi niya.
Bahay niya? So, may bahay talaga siya? Inis na sinulyapan ko siya na noon ay hindi ako tiningnan.
Mayamaya ay pumasok ang sasakyan niya sa kilalang exclusive subdivision. Isang kanto lang buhat sa gate ay tumigil ang sasakyan namin sa malaking bahay na moderno ang disenyo. Mataas ang gate niyon at ang nakikita lang ay ang ikalawang palapag at ang malawak na terrace. Ang front yard ay may mga tanim na iba’t-ibang halaman na halatang alaga ng hardinero. Nag-aakusa ang tingin ko sa kaniya nang makapasok na ang sasakyan namin sa parking space at pinatay na niya ang makina niyon.
“Bahay mo ito?” tanong ko.
“
