زوجه لسبعه ايام 2

758 Words

#زوجه_لسبعه_أيام_2 ﻣﻦ ﺩﺭﺑﻲ ﺩﺍﻙ ،ﻃﻮﺍﻟﻲ ﻣﺸﻴﺖ ﻃﻠﻌﺖ ﻋﺒﺎﻳﺘﻲ ﺍﻟﻤﻜﺮﻓﺴﺔ .. ﺟﺒﺖ ﻟﻲ ﺟﺮﺩﻝ ﻣﻮﻳﻪ ﺣﺒﻴﺒﺔ ، ﺩﺧﻠﺖ ﻓﻴﻬﻮ ﻋﺒﺎﻳﺘﻲ . ﺍﺩﻳﺘﺎ ﻧﻔﻀﻪ ﻛﺪﺍﺍ ،ﻭﺧﻠﻴﺘﺎ ﻟﻠﺸﻤﺲ ، ﻣﺸﻴﺖ ﻋﻠﻰ ﻋﻨﻘﺮﻳﺐ ﺣﺒﻮﺑﺔ .. ﺑﺴﺎﻧﺪ ﻓﻴﻬﺎ ﺟﺎﻱ ﻭﺟﺎﻱ ﻟﻤﻦ ﻭﻗﻔﺘﻬﺎ ، ﻭ ﺟﺒﺘﻬﺎ ﻓﻲ ﺍﻟﻜﺮﺳﻲ ، ﻗﻌﺪﺗﻬﺎﺍ ، ﻭ ﻃﻠﻌﺖ ﻟﻴﻬﺎ ﻫﺪﻭﻣﺎ ،،ﻭ ﺑﻘﻴﺖ ﺑﺤﻤﻢ ﻓﻴﻬﺎﺍﺍ ﻭ ﺍﻏﻨﻲ ﻟﻴﻬﺎﺍﺍ ،ﺑﺲ ﻋﺸﺎﻥ ﺍﺷﻮﻑ ﺿﺤﻜﺘﺎﺍ ،‏( ﺣﺒﻮﺑﺘﻲ ﻣﺎ ﺑﺘﺘﻜﻠﻢ ﺍﻻ ﻣﺎ ﻧﺪﺭ ‏) ،، ﺑﻐﻨﻲ ﻟﻴﻬﺎ ﻭ ﺍﺷﺎﻏﻞ ﻓﻴﻬﺎ ،، ﺧﻠﺼﺘﺎ ﻣﻦ ﺍﻟﺤﻤﺎﻡ ، ﻧﺸﻔﺘﻬﺎ ﻭ ﻟﺒﺴﺘﻬﺎ ، ﻭ ﺭﺟﻌﺘﻬﺎ ﺍﻟﻌﻨﻘﺮﻳﺐ ، ﻭ ﻏﻄﻴﺘﺎ ... ﻣﺸﻴﺖ ﻟﻤﻠﻤﺖ ﺣﺎﺟﺎﺗﻲ ﻭ ﺩﺧﻠﺖ ﺍﺳﺘﺤﻤﻴﺖ ﺍﻧﺎ ﻛﻤﺎﻥ ، ﻛﺪﺍ ﻧﺺ ﺍﻟﺒﺮﻣﻴﻞ ﺭﺍﺡ .. ﺍﻟﻤﻬﻢ ﻣﺸﻴﺖ ﻟﺒﺴﺖ ﻋﺒﺎﻳﺘﻲ ، ﻭ ﺟﻴﺖ ﻟﻘﻴﺖ ﺣﺒﻮﺑﻪ ﻧﺎﻣﺖ ، ﺷﻠﺖ ﻣﻔﺎﺗﻴﺤﻲ ، ﻭ ﻃﻠﻌﺘﺎ .. ﻣﺸﻴﺖ ﺧﺒﻄﺘﺎ ﻋﻠﻲ ﺧﺎﻟﺘﻮ ﺻﻔﻴﺔ ﻓﺘﺢ ﻟﻲ ﻭﻟﺪ ﺻﻐﻴﺮ .. ﺧﻠﻴﺘﻮ ﻧﺎﺩﺍ ﺧﺎﻟﺘﻮ ﺻﻔﻴﺔ . ، ﺟﺎﺗﻨﻲ ﺳﻠﻤﺘﻬﺎ ﺍﻟﻤﻔﺘﺎﺡ ﻭ ﺍﺗﻮﻛﻠﺖ ﻣﺸﻴﺖ ﺍﻧﺎﺍ ،، ﻃﺒﻌﺎ ﻭﺍﻗﻔﻪ ﺳﺎﻋﻪ ﻋﺸﺎﻥ ﺍﻟﻘﻰ ﻟﻲ ﺣﺎﻓﻠﺔ ﺗﻮﺻﻠﻨﻲ ﻣﻊ ﺍﻟﺪﻓﺮ ﺍﻟﺤﺎﺻﻞ ﺩﺍ ، ﺑﻲ ﺟﺎﻱ ﺟﺎﻱ ﺣﺎﻭﻟﺘﺎ ﺭﻛﺒﺘﺎ ﺷﻤﺎﻋﻪ ، ﺑﻌﺪﻫﺎ ﻧﺰﻟﺘﺎ ﻭ ﺭﻛﺒﺖ ﻟﻲ ﺣﺎﻓﻠﺔ ﺗﺎﻧﻴﺔ ، ﻋﺸﺮ ﺩﻗﺎﻳﻖ ﻭ ﻧﺰﻟﺘﺎ .. ﻣﺴﺎﻓﺔ ﺭﺑﻊ ﺳﺎﻋﺔ ﻛﺪﺍﺭﻱ ﻻﻣﻦ ﻭﺻﻠﺘﺎ ، ﺭﻧﻴﺖ ﺍﻟﺠﺮﺱ ، ﻓﺘﺤﺖ ﻟﻲ ﻭﺣﺪﺓ ﻣﻦ ﺍﻟﺒﻨﺎﺕ ﺍﺳﻤﻬﺎ ‏( ﺳﺎﺭﺓ ‏) ، ﻭﺍﻧﺎ ﻭﺍﻗﻔﻪ ﻣﻨﺘﺒﻬﻪ ﻻﻥ ﻓﻲ ﻋﻔﺶ ﻭ ﻛﺮﺍﺗﻴﻦ ﺑﺮﺍﺍ ﺟﻤﺐ ﺍﻟﺒﺎﺏ ﻭ ﺍﻟﺤﻮﺵ ﻣﻘﻠﻮﺏ ﻛﺪﺍ . . ﻗﻠﺖ ﻟﻴﻬﺎﺍ : ﺩﺍ ﺷﻨﻮ ﻳﺎ ﺳﺎﺭﺓ ؟ّ ﻗﺎﻟﺖ ﺍﻧﺘﻲ ﻭﻳﻦ ﻳﺎﺥ . ﻭﺍﻟﻠﻪ ﺍﺷﺘﻘﺖ ﻟﻴﻜﻲ ﺷﺪﻳﺪ ، ﻗﻠﺖ ﻟﻴﻬﺎ ﻭﺍﻧﺎ ﻛﻤﺎﻥ ﻭﺍﻟﻠﻪ ﻳﺎ ﺳﺮﻭﻳﺔ ، ﺑﺲ ﻣﺎ ﻭﺭﻳﺘﻴﻨﻲ ﺩﻱ ﺷﻨﻮ ﺍﻟﺤﺎﺟﺎﺕ ﺩﻱ ؟ ﻗﺎﻟﺖ ﻟﻲ ﺳﻤﺢ ﺍﺩﺧﻠﻲ ﻣﺎﻣﺎ ﺟﻮﺍﺍ ﺑﺘﻮﺭﻳﻜﻲ ، ﻗﻠﺖ ﻟﻴﻬﺎ ﻳﻼﺍﺍ .. ﻓﻌﻼً ﻣﻦ ﺷﺎﻓﺘﻨﻲ ﺍﻟﺒﺖ ﺩﻱ ﻣﺎﺳﻜﺔ ﻳﺪﻱ ﺍﺻﻠﻮ ﻣﺎ ﻓﻜﺘﻨﻲ ﻟﻤﻦ ﺩﺧﻠﻨﺎ ﺟﻮﺍﺍ ، ﺍﻣﻬﺎ ﺷﺎﻓﺘﻨﻲ ﺍﺗﺨﻠﻌﺖ ﻗﺎﻟﺖ ﻟﻲ : ﻋﻠﻮﻳﺔ ! ﻳﺎ ﺑﺖ ﺍﻧﺘﻲ ﻛﻮﻳﺴﻪ ؟ ﻭﻳﻨﻚ ﺍﺧﺘﻔﻴﺘﻲ ﻛﺪﺍ ﻻ ﺣﺲ ﻻ ﺧﺒﺮ ؟ ﺣﺒﻮﺑﺘﻚ ﻛﻮﻳﺴﻪ ؟ ﻗﻠﺖ ﻟﻴﻬﺎ ﺍﻳﻴﻴﻴﻚ ﻗﺼﻪ ﻃﻮﻳﻠﻪ ﻭﺍﻟﻠﻪ ، ﻟﻜﻦ ﺍﺗﻄﻤﻨﻲ ﺍﻧﺤﻨﺎ ﺑﺨﻴﺮ ، ﺑﺲ ﺍﻧﺘﻮ ﺑﺘﺠﺪﺩﻭ ﻭﻻ ﺣﺎﺻﻞ ﺷﻨﻮﻭ ؟ ﻗﺎﻟﺖ ﻟﻲ ﻻ ﻭﺍﻟﻠﻪ ﻳﺎ ﻋﻠﻴﺎﺀ ، ﻟﻼﺳﻒ ﺍﻧﺤﻨﺎ ﺭﺍﺣﻠﻴﻦ ، ﺍﺑﻮ ﺍﻟﺒﻨﺎﺕ ﻗﺎﻝ ﺍﻻ ﻧﻤﺶ ﻣﺪﻧﻲ ﻭ ﻳﺒﻴﻊ ﺍﻟﺒﻴﺖ ﺩﺍ ﻭ ﺟﻮﻃﺔ ﻭ ﺑﺮﻧﺎﻣﺞ ﻃﻮﻳﻞ ﺷﺪﻳﺪ ﻭﺍﻟﻠﻪ ﻭ ﺯﻱ ﻣﺎ ﻋﺎﺭﻓﻪ ﺍﻧﺎ ﻭﺑﻨﺎﺗﻲ ﻣﺘﻌﻮﺩﻳﻦ ﻋﻠﻲ ﺟﻮ ﺍﻟﺨﺮﻃﻮﻡ ﻭ ﻧﺎﺳﻨﺎ ﻭ ﺩﻧﻴﺘﺎ ﻛﻠﻬﻢ ﻫﻨﺎﺍ .. ﻃﺒﻌﺎً ﺳﻜﺘﺎ ﻻﻧﻮ ﻛﺎﻧﺖ ﻣﻔﺎﺟﺄﺓ ﻛﺒﻴﺮﺓ ﺑﺎﻟﻨﺴﺒﻪ ﻟﻲ .. ﻗﻠﺖ ﻟﻴﻬﺎ ﻣﻌﻠﻴﺶ ﻳﻤﻜﻦ ﺍﻟﺤﺼﻞ ﺩﺍ ﻟﺨﻴﺮ ﻟﻴﻜﻢ ﻭ ﺍﻥ ﺷﺎﺀﺍﻟﻠﻪ ﺍﻧﺘﻲ ﻭﺍﻟﺒﻨﺎﺕ ﺣﺘﺘﻌﻮﺩﻭ .. ﻗﺎﻟﺖ ﻟﻲ : ﺍﻧﺎ ﻋﺎﺭﻓﻪ ﻭﺿﻌﻚ ﻳﺎ ﻋﻠﻴﺎ ﻭ ﻋﺎﺭﻓﻪ ﺳﻔﺮﻧﺎ ﺩﺍ ﻗﻄﻊ ﺭﺯﻕ ﻟﻴﻜﻲ ﻭ ﺍﻧﺎ ﻣﻦ ﺑﻌﺪﻙ ﻣﺎ ﺑﻘﺪﺭ ﺍﺛﻖ ﻓﻲ ﻭﺣﺪﺓ ﺗﺪﺧﻞ ﺑﻴﺘﻲ ﻭ ﺗﻘﻌﺪ ﻓﻲ ﻧﺼﻨﺎ ﺍﻧﺎ ﻭﺑﻨﺎﺗﻲ ﻭ ﺍﻧﺎ ﻭﺍﻟﺒﻨﺎﺕ ﺣﻨﻔﻘﺪﻙ ﻭﺍﻟﻠﻪ ﻭ ﻳﺎﺭﻳﺖ ﻟﻮ ﺍﻗﺪﺭ ﺍﺳﻮﻗﻚ ﻣﻌﺎﻱ .. ﻗﻠﺖ ﻟﻴﻬﺎ ﻣﺎ ﺗﺸﻴﻠﻲ ﻫﻤﻲ ﺍﻛﻜﻴﺪ ﺑﺘﻔﺮﺝ ﻭ ﻳﻼ ﺧﻠﻮﻧﻲ ﺍﺳﺎﻋﺪﻛﻢ .. ﻣﺴﻜﺘﻨﻲ ﻗﺎﻟﺖ ﻟﻲ ﻭﺍﻟﻠﻪ ﻣﺎ ﺗﺴﻮﻱ ﺣﺎﺟﺔ ﻋﻨﺪﻱ ﺍﻟﻨﺎﺱ ﺷﻐﺎﻟﻴﻦ ﺍﻗﻌﺪﻱ ﺩﺍﻳﺮﺓ ﺍﺗﻜﻠﻢ ﻣﻌﺎﻛﻲ ، ﻗﻠﺖ ﻟﻴﻬﺎ ﺍﺗﻔﻀﻠﻲ .. ﻗﺎﻟﺖ ﻟﻲ ﺍﻧﺎ ﻣﺴﺘﻌﺪﺓ ﺍﺧﺼﺺ ﻟﻴﻜﻲ ﻣﺒﻠﻎ ﺷﻬﺮﻳﺎً ﻭﺍﻧﺘﻲ ﻋﺎﺭﻓﻪ ﺍﻧﺎ ﻏﺎﻳﺘﻲ ﺷﻨﻮ ! ﻭ ﺷﻐﻞ ﺍﻟﺒﻴﻮﺕ ﺩﺍ ﻣﺎ ﺩﺍﻳﺮﺍﻛﻲ ﺗﺸﺘﻐﻠﻴﻬﻮ ،ﻣﺎ ﻛﻞ ﺍﻟﺒﻴﻮﺕ ﺁﻣﻨﺔ ﻟﻴﻜﻲ ﻭ ﺍﻧﺘﻲ ﺑﻨﺖ ﻭ ﻣﺎ ﻋﻨﺪﻙ ﺿﻬﺮ ﺑﻌﺪ ﺭﺏ ﺍﻟﻌﺎﻟﻤﻴﻦ ، ﻭﺍﻧﺎ ﻋﺎﺭﻓﻪ ﻭﺿﻌﻚ ﻣﺎ ﺑﻴﺴﻤﺢ ﻟﻴﻜﻲ ﺗﺸﺘﻐﻠﻲ ﺑﺮﺍ ،ﺑﺲ ﻛﻤﺎﻥ ﺟﻮﺍ ﺍﻟﺒﻴﻮﺕ ﻣﺎ ﺍﻣﺎﻥ ﻳﺎ ﻋﻠﻴﺎﺀ .... ﺩﻣﻮﻋﻲ ﺟﺮﻭﻭ ، ﻗﺎﻟﺖ ﻟﻲ ﻣﺎ ﺗﺒﻜﻲ ﺍﻧﺎ ﻭﺍﺛﻘﺔ ﺍﻥ ﺭﺑﻨﺎ ﺣﻴﻴﺴﺮﺍ ﻋﻠﻴﻜﻲ ، ﻭ ﺩﻱ ﻭﺭﻗﻪ ﻓﻴﻬﺎ ﺭﻗﻤﻲ ﺳﺠﻠﻴﻬﻮ ﻭ ﻛﻠﻤﻴﻨﻲ ﻓﻲ ﺍﻱ ﻭﻗﺖ ﺍﻭﻋﻚ ﺗﻘﻄﻌﻲ ﻣﻨﻲ ﻓﺎﻫﻤﺔ ، ﻭ ﺣﺴﻴﺖ ﺑﻲ ﻳﺪﻫﺎ ﻓﻲ ﻳﺪﻫﺎﺍ ﺧﺘﺖ ﻟﺬ ﻗﺮﻭﺵ ﻭ ﻗﻔﻠﺖ ﻋﻠﻴﻬﺎ ﺑﺄﺻﺎﺑﻌﻴﻨﻲ .. ﻗﻠﺖ ﻟﻴﻬﺎ ﻻﻻ ..... ﺳﻜﺘﺘﻨﻲ ،ﻗﺎﻟﺖ ﻟﻮ ﻋﺎﻳﺰﺍﻧﻲ ﺍﺯﻋﻞ ﻣﻨﻚ ﺭﺟﻌﻴﻬﺎ ﻟﻲ ، ﻭ ﺑﻌﺪﻳﻦ ﻛﻔﺎﻳﺔ ﺑﻜﻰ ، ﺍﻟﺒﻨﺎﺕ ﺣﻴﺘﺄﺛﺮﻭ .. ﺑﺎﻟﺠﺪ ﻣﺎ ﻛﻨﺖ ﻗﺎﺩﺭﺓ ﺍﺗﺤﻜﻢ ﻓﻲ ﺩﻣﻮﻋﻲ ،ﻻﻧﻮ ﻣﻦ ﻣﺪﺓ ﺭﺑﻨﺎ ﻛﺎﻥ ﻓﺎﺗﺢ ﻟﻲ ﺑﺎﺏ ﺍﻟﺮﺯﻕ ﻣﻦ ﺍﻟﺒﻴﺖ ﺩﺍﺍ ،ﻭ ﺍﻧﺎ ﻋﺎﺭﻓﻪ ﺍﻧﻲ ﻣﺎ ﺣﺄﻟﻘﺎ ﺯﻳﻬﻢ ﺗﺎﻧﻲ ، ﺩﻳﻞ ﺍﻟﻨﺎﺱ ﺍﻟﻮﺣﻴﺪﻳﻦ ﺍﻟﺤﺴﻴﺖ ﻓﻲ ﻧﺼﻬﻢ ﺑﺎﻻﻟﻔﺔ ﻭﺍﻟﺤﺐ ﻭ ﻣﺎ ﺣﺼﻞ ﺿﺎﻳﻘﻮﻧﻲ ﻭ ﻳﺸﻬﺪ ﺍﻟﻠﻪ ﺑﻴﻌﺎﻣﻠﻮﻧﻲ ﻛﺄﻧﻲ ﻭﺣﺪﺓ ﻣﻨﻬﻢ ، ﺑﺲ ﺣﻴﻔﺮﻗﻮ ﻣﻌﺎﻱ ﻭ ﻛﺎﻥ ﻋﻠﻲ ﺍﻟﺮﺯﻕ ﺍﻟﻠﻪ ﻓﻲ ﻭ ﻣﺎ ﺑﻴﻨﺴﺎﻧﻲ ﺍﻧﺎ ﻣﺘﺄﻛﺪﺓ .. ﻋﺸﺎﻥ ﺍﻧﺎ ﻣﺎ ﺑﺤﺐ ﺍﻟﻮﺩﺍﻉ ﻭﻋﺎﺭﻓﻪ ﺑﻨﺎﺗﻬﺎ ﻗﺪﺭ ﺷﻨﻮ ﻫﻤﺎ ﻣﺘﻌﻠﻘﻴﻦ ﺑﻲ ، ﻛﺎﻥ ﻻ ﺑُﺪ ﻣﻦ ﺍﻧﻲ ﺍﺣﺎﻭﻝ ﺍﻧﺴﺤﺐ ﺑﺮﺍﺣﺔ ﻣﻦ ﻏﻴﺮ ﻣﺎ ﻳﺤﺴﻮ ﺑﻲ ، ‏( ﻓﻲ ﺟﺎﻧﺐ ﺗﺎﻧﻲ ‏) * ﻳﻌﻨﻲ ﻣﺎﻓﻲ ﺣﻞ ﺗﺎﻧﻲ ؟ _ ﺍﻟﺤﻞ ﻛﺎﻥ ﻋﻨﺪﻙ * ﺍﻧﺘﻲ ﻋﺎﻳﺰﺍﻧﻲ ﺍﺳﻮﻱ ﺷﻨﻮ ﻳﻌﻨﻲ ﺷﻬﺎﺩﺗﻲ ﻣﺎ ﺍﺳﺘﻠﻤﺘﻬﺎ ﻓﻲ ﻳﺪﻱ ، ﺗﺨﺮﻳﺞ ﻟﺴﻪ ﻣﺎ ﺍﺗﺨﺮﺟﺘﺎ ﻭﺭﻳﻨﻲ ﻛﻴﻒ ﺑﻴﺎﺗﻮ ﻣﻨﻄﻖ ﺍﻧﺘﻲ ﺑﺘﺘﻜﻠﻤﻲ _ ﻭﺍﻧﺎ ﻣﺎ ﻋﻨﺪﻱ ﺣﻞّ * ﻻ ﻋﻨﺪﻙ ﺑﺪﻝ ﺍﻟﺤﻞ ﺣﻠﻮﻝ _ ﺍﻧﺎ ﺣﺄﻗﻔﻞ * ﺍﺳﺘﻨﻲ ﺍﻧﺎ ﻋﺎﻳﺰ ﺍﻋﺮﻑ ﻗﺮﺍﺭﻙ ﺍﺳﻲ ﺩﺍ _ ﺍﻧﺎ ﺑﺤﺒﻚ ﻭ ﺍﺫﺍ ﺣﺼﻠﺖ ﻟﻲ ﺍﻱ ﺣﺎﺟﺔ ﺍﻋﻔﻲ ﻟﻲ * ﻗﺼﺪﻙ ﺷﻨﻮﻭﻭﻭ ﺍﻧﺘﻲ !! * ﺍﻟﻮﻭﻭﻭﻭ * ﺍﻟﻮﻭﻭﻭﻭﻭﻭﻭﻭﻭ ﺍﻓﻔﻔﻔﻒ

Free reading for new users

Scan code to download app

App Store Google Play

Facebookexpand_more