Shein
TULALA pa din si Shein kahit nang makalabas na siya ng kusina. Nakasunod lang sa kanya si Eon. Nang makarating siya sa sala wala na roon ang bisita ng kasintahan.
Ni hindi na tuloy niya nakilala.
Nanghihina siyang napaupo sa sofa bago nag angat ng tingin kay Eon na nakatayo sa harap niya. Nakapamulsa ito sa suot na pantalon habang matiim na nakatitig sa kanya. Hindi niya magawang ibuka ang bibig. Hindi niya alam kung ano ang unang sasabihin. Nabigla talaga siya sa sinabi nito. Mas nakakabigla pa sa inalok nito sa kanya na maging nobya nito.
"Hey, nabigla ba kita?" Nalukot ang mukha niya sa tanong nito.
Humalukipkip siya at tumitig dito ng matiim.
"Malamang nabigla ako. Sino ba namang hindi mabibigla? Noong una girlfriend, tapos ngayon kasal naman." Salita niya na ikinabago ng
