Gustong sapakin ni Alaysha ang sarili dahil ngayon niya lang napagtanto ang ipinangako niya kay Dyne. Ngayon ay nandito sila ngayon sa amusement park. Naglalakad pa lang siya papunta sa entrance ay masaya nang kumakaway sa kanya si Dyne habang malaki naman ang ngiti ni Dylan sa kanya.
Parang gusto niyang tumakbo papalayo pero hindi naman niya kayang gawin dahil alam niyang malulungkot ang bata. Kailangan niyang panindigan ang sariling desisyon.
“Para ito kay Dyne, Alaysha. Huwag mo na lang pansinin si Dylan, okay?” pagkumbensi niya sa sarili habang papalapit sa dalawa.
“Good morning, Mommy.” Agad siyang napangiti nang batiin siya ni Dyne saka halikan siya nito sa pisngi. Aww... Parang nawala tuloy ang iniisip niya kanina.
“Good morning, too, Baby.”
“Good morning, Bae.” Biglang sumama
