"Hindi magiging mdali ang magiging buhay sa bagong nayon. Tayong lahat ay pamilya ngunit katulad ng ordinaryong pamilya, darating ang araw at oras na magkanya-kanya tayo ng landas," sambit ng kanilang kumander habang nagkanya-kanya sila sa pagsakay sa mga motor na magdadala sa kanila sa ibaba ng bundok.
Lahat ng kanilang armas ay iniwan nila dahil hindi nila iyon pwedeng dalhin. Mahirap makipagsapalaran sa kapatagan lalo na ngayon na nagkalat ang kanilang mga pwedeng maging kalaban.
"Maraming salamat sa mga aral at sa lahat nang aming natutunan sa iyong pamumuno, kumander," sambit ng isang lalake na naka-angkas sa katabing motor na sinasakyan ni Carson.
Napatingin si Carson sa binatang katabi ng kanilang kumander. Nakatingin din ito sa kaniya at seryoso ang mga mata nitong nakatuon l
