Pinasalamatan ko si Manang Nemi sa masarap na lunch kinabukasan. Pinabaunan niya din kami ng pagkain at ipakain ko daw sa kanyang mga alaga. Akala ko nga yong mga alaga namin na hayop sa farm at sobra kaming nagkatawanan nang sinabi niya na para sa triplets ang mga ito. Nagpasalamat din ako kay Isabel sa pag-aalaga niya kay Ace at napansin ko na malungkot siya. Tatanungin ko sana kung ano ang problema pero ayokong makialam sa kanyang personal na buhay. Binigyan ko na lang siya ng yakap at nagpasalamat ulit.
"Dadalawin ulit kita, honey," sabi ko sa kanya ng ihatid nila ako sa pinto. Dinampian ko siya ng halik sa labi at matamis siyang ngumiti. Niyakap niya ako ng mahigpit at dinampian niya ng halik ang aking noo.
"Huwag kang magpapagod. Tandaan mo, nandoon na ang mga anak ko para tulung
