Maaga pa lang nasa basketball court na kami kung saan ang venue ng medical mission. Hindi na ko nagulat nang makita na marami ang taong naghihintay doon. Buti na lang may mga tauhan na kaming nag-setup ng mga mauupuan at malalaking air coolers para maging komportable sila. Kasama ko si Doctor Dan, ang asawa niyang nurse na si Angeline, at ang assistant kong veterinarian din na si Ethan. Dala namin ang ibang mga gamit sa pick up truck at may kasunod na iba pa. Si Yhuno naman susunduin ang mga kakilala niyang mga tao para tumulong sa amin rito. Bago siya umalis sinabi niyang papunta na sila rito.
Iniwan namin si Raider sa mansion kasama si Rosamie at iba pa. Hindi malayong mangyari na pupunta dito si mayor kasama ang asawa at anak niya. Binati kami ng mga tao ng makita kami at ang iba tinu
