Nang makarating sina Joymi sa function hall ng resort para sa kanilang event opening ay kaagad niyang iginiya ang tingin sa paligid. Hindi para i-appreciate ang ganda ng hall kung hindi para tignan kung naroon na ba ang iba pang kasama nila sa accounting department.
C'mon, Joy. Huwag mo ng lokohin ang sarili mo. Si Franz naman talaga ang hinahanap mo, hindi ba?" kastigo naman sakaniya ng kabilang bahagi ng utak kaya naman ipinilig niya ang ulo para maiwaksi ang demonyong bumubulong sa utak niya.
"Hey, Joy!" Sabay-sabay na tumingin sa kaliwang bahagi ng Hall sina Joymi, Mira at Lyka nang marinig ang boses ni Troy. Kumaway pa nga ito ng lingunin nila. Nakaupo ang binata sa tapat ng mahabang mesa na may nakapatong na note at may nakasulat na RESERVED FOR ACCOUNTING DEPARTMENT. Naroon na nga
