Marahang tapik sa pisngi ang gumising kay Joymi. At nang imulat niya ang mga mata ay ang nag-aalalang mukha ni Franz ang sumalubong sakaniya. Napabalikwas naman siya bigla ng bangon. "Kanina pa kita ginigising. Malapit na akong maatake sa puso, mabuti na lang at gumising ka na," sambit nito at saka pinunasan ang luha sa mga mata niya. Nang titigan niyang mabuti si Franz ay may mga butil na ng pawis sa noo nito samantalang nakabukas naman ang aircon sa kwarto. Mukhang sobra ngang ninerbyos ang asawa.
"It was a dream..." tila wala pa sa sariling sambit ni Joymi habang nakatitig sa mukha ni Franz. Kahit na nga alam na niyang panaginip lang pala iyon ay naninikip pa rin ang dibdib niya at ramdam na ramdam pa rin niya ang sakit. Saglit siyang natigilan nang alalahanin niya kung ano nga ba ang
