Kahit na masama ang loob ay maaga pa ring gumising si Joymi para maghanda ng agahan dahil syempre hindi lang naman iyon para kay Franz. Madalas na kasing magising ng maaga ang mga bata. Didiretso na sana siya sa kusina para makapagsimula ng magluto nang mapansin ang cellphone ni Franz na naiwan nito sa sala.
At tila may sariling buhay na kumilos ang paa niya palapit doon. Hindi niya naman ugaling mangalkal ng cellphone kahit na noong magkasintahan pa lamang sila pero tila may kung anong bumubulong sakaniya ngayon na tignan iyon.
Nanginginig ang mga kamay na dinampot niya iyon at tila tinakasan siya ng kaluluwa nang mabasa ang text message na naka-pop sa screen. Nanlamig ang buong katawan niya at nanginig rin ang mga tuhod. Napahawak pa nga siya sa may sofa upang kumuha ng balanse dahil p
