Dahil mahahaba ang mga kuko niya, dumiin ito sa'kin balat pero hindi ko ininda ang kirot. Pinagkakalmot ko rin siya at pinagsasampal at nang matauhan. Kung marunong lang akong lumangoy, malamang nilublob ko na ang mukha ng babaeng ito sa malaking pool.
Nagsisigaw ang mga katulong para maawat kami pero walang isa sa'min ang nagpapaawat hanggang sa dumating ang lalaki at saka naman biglang umiyak na parang kinawawa si Chilsea. Lumapit ito sa binata at tila batang humagulhol.
"Damn! Anong nangyayari rito?" galit na sita sa'kin ni Jayar.
Hindi ako sumagot. Nag-iwas ako ng tingin at tinawag ang bata.
"That b***h! She tried to kill me!" pagsusumbong ni Chilsea. "Nanahimik lang ako rito sa tabi nang sunggaban niya ako at awayin!"
Nagkukot ang kalooban ko sa gawa-gawang kwento ng babaeng ito.
