رحيل ١٨، ١٧

4403 Words

اعتذر ع تأخير الوات بي خلل بارت 17 في طرفة عين لنورا ناصر ماتحملت عرفتها ساره حبيبتي السابقه اه شكد حبيتها شكد دورت عليها ملكيت الها أثر فتت عليهم ظليت اصفك واضحك بس بداخلي ألم .. حلو كلش حلو اخويه وي منو ؟؟ زياد: انت منو سمحلك تدخل بدون اسئئذان شنو هي تايهه السكرتيره الغ*يه وينها هي؟ ؟ فرات: اريد اعرف شجابهه الك ساره دورت عليها شكد مالگيتها طلعت وياك؟ ؟؟ زياد: اي وشنو يعني مسجله باسمك هي؟ ؟ فرات: لا طبعا بس اريد اعرف اني شنو سويت الك حتى تسوي بيه كل هذا؟؟ سكت زياد وابتسم وبقت ساره واكفه مذهوله كتله عليمن اضوج اني هي فضالتي ههه وبالعافيه عليك فضالتي ،وطلعت سديت الباب ورايه بسرعه شفت السكرتيره بلحظتها تملكني الغضب واريد انفس عنه باوعتلها بخزر كتلها شنو انت جاي تسمعين النه هي خافت كالت لا استوه اجيت اني. طلعت من المقر كله واحس مخنوگ مو من ساره لا وانما من زياد المفروض هو اخويه وسندي ليش هيج يكرهني ويأذيني ويستولي على كل اشيائي. مرت كم يوم تلقيت اتصال من رقم غريب جاوبت الو شلونك فرات منو ويايه؟؟ اني ساره هه شتردين اريد احجي وياك مابينه حجي فرات اريد اشوفك اريد احجيلك كل شي صار. ميهمني لا فدوه لازم اشوفك اوك تواعدنا اني وساره جنت اريد اعرف شنو الي صار بعد اختفائها، اللتقينا بمكان بعيد حتى لااحد يشوفنه اجت هي وسيارتها فخمه كلش رغم جانت فقيره وممرضه بسيطه بوحده من المستشفيات الحكوميه وتصرف على اهلها وابنها منيلها كل هذا؟ !! نزلت من سيارتها واجت يمي شونك فرات خلصيني شنو تردين تكولين فرات الي كلته عيب اني زوجة اخوك هسه ههههه هههههه صدك والله يله بيها الخير اي من زمان كلش تزوجني انقهرت من كتلي اني فضاله والي قهرني زياد مادافعلي هه شتتوقعين منه عليج الله؟؟ ساره: فرات بعد ماعرضت على اهلك تزوجني ورفضوا وانت أصريت اجو هددوني اعوفك واطلع من المحافظه كلها وهددوني باهلي وبابني واني لاحول ولاقوه اهلي عرفوا وراحوا غير محافظه جنت اتردد لهنا عمود شغلي اريد احصل نقل بس احاول ماخليك تشوفني اريد ينتهي كل شي واريد اسّلم على اهلي وابني خفت عليهم بس زياد ماتركني ابد ظل يراقبني وين مااروح ويتبعني بعدهه ظل يتقربلي ويغريني وعدني يحسن من احوالي واحوال اهلي وظل يغدق عليه بالفلوس والهدايا وعرض عليه الزواج ووافقت وتركت الشغل بعد الزواج عرفت هديل اله ايد بفراقنا زياد حجه الي هديل جانت تحبك بس متعرف شون ت**بك واي وحده تتقرب منك تتصرف وياهه هيج بس زياد گلي اني حبيتج وحميتج منها هي لجأت الي حتى اقتلج خلاص بس اني ردتج وهذا كل الموضوع فرات اني حبيتك فرات: اششش دخيلج لتكملين كافي احس انطعنت بظهري بس الاف المرات مو مره وحده بالعافيه عليكم تتهنون يلا روحي ليشوفج رجلج الميشبع من النسوان هي عود متزوج اثنين وانت الثالثه روحي ساره روحي ... نادين **** هل من أحدٍ يستطيع انتشال روحٍ من وسط الجحيم؟ . هذه انا غدوت كالحطبةِ التي وسط النارِ ، وليس هنالكَ مخلوقٌ قادرٌ على إخراجيَ وإنقاذيَ . الجميع ينظر إليَ وانا أحترق وأتقلبُ من شدة الشعور بالالم والوجع . الكل قادرٌ على سماع أصوات صرخاتي المعتلة ، لكن..لااحد قادرٌ على انقاذيَ . بقيت انتظر سقوط دلوِ الماء البارد عليه ليطفأ تلكَ النيرانَ من الألم الي تطالُ تنهش جدرانَ فؤاديَ من الوجع ، لكن....طال الإنتظار ولم يسقط عليَ ذلكَ الدلوَ لكي يبردُ نيرانَ السعير في قلبي...الى متى ؟! . بعد ماانطلقت الرصاصات من مسدس كاتم صرختتت فرات فرات ميجاوبني عفيه لتعوفني ظليت اصرخ اتجمعت الناس والاسعاف ونقلوا فرات للمستشفى لحظات من اليأس عبالي مات! ! اصاباته جانت بليغه دخلوا لغرفة العمليات كعدت ع الگاع ابجي بخنكه احس كل الدموع مجاي تبرد وتطفي النار الي بگلبي مو وكتها تعوفني فرات مو وكتها شكد محتاجتله شكد تعلقت بي مااريده يموت لا مو مال يعوفني ويموت. تمنيت الرصاصات بيه تمنيت اتقاسم الرصاص ويا كعدت الوم بروحي تذكرت شون غلفني بجسمه حتى يحميني وصار جسده درع الي حتى متخترقني الرصاصات واتأذى لهالدرجه تحبني فرات لدرجة تضحي بنفسك من اجلي زين ليش يصير كل هذا يعني لازم يتلقى الرصاصات بدل عني حتى احبه حتى يبين الي شكد يحبني هذا مو عدل مو انصاف ابد. كعدت ودمه على ملابسي و جسمي زاد قهري ووجعي وصلوا اهله واقاربه اني ماعرف بس نجم اجه وكلي امشي اوديج للبيت لا عفيه اريد ابقى هنا انتِ كله منج الصار لاخويه اذا مات فلا راح ارحمج من كال هيج ومن كد الوجع البيه صدك ضجت من نفسي وأنبني ضميري المفروض اني اموت مو هو؟ !! وصى جماعه ودوني للبيت وبقيت هناك وحدي اتألم ومااعرف عنه اي شي. ملابسي لسه كلها دم بقيت على هالحال النص الليل و كل دقيقه اكول هذا كابوس اني حلمانه هسه يطب فرات ويحضني ويبوسني ويمكن نتعارك او نسوي اكل ،نسبح بس كلها كانت تهيئات ، بقيت بمكاني بالصاله حد الصبح والدم يبس عليه مايهون عليه اغسله خايفه مااشوف فرات بعد واريد هي تبقى ذكرى منه. بس لازم اطلع اروح اله للمستشفى اشوفه شون صار اووف حتى ابويه نسيته وهم لازم اشوفه. رحت سبحت وبدلت ملابسي خليت الخاولي على راسي مالي خلك امشط كلت انشفه بالخاولي واخلي شال على راسي واروح للمستشفى طبيت للصاله بهذا شكلي وانصدمت بواحد كاعد ع القنفه ومدد رجلينه ع الطبله جسمي كله انتفض من صدك شكله يخوف اسمر وشعره كثيف اسووود وطبره بجبينه. جنه مجرم ويضحك ضحكته خبيثه. كتله منوو انت وشسوي هنا ضحك و كال هه اني عود حماج الجبير زياد أعوذ الله سيماهم في وجوههم خوفني وخفت اكثر على فرات ش ششبي فرات خو ماصارله شي. تلعثمت بالكلام. كام من مكانه واجه يمي اني ابتعدت عنه ولزكت روحي بالحايط وكف مقابيلي كال بعده ديمر بالساعات الاخيره من حياته وبعدهه ان شاءالله يودع. اسم الله عليه ليش تكول هيج هي عود انت اخو انت شنو من اخو بس كولي شنووو شنووو؟؟ اششش اسكتي وبعدين انت ولا مبين عليج مهتمه اشو سابحه ومبدله بعد شكو لتخافين يموت فراتج اصيرلج اني فرات واعوضج عنه. امشي اطلع بره يلااا اطلع شكد وقح اشششش هسه الي اريده منج تجيبيلي كلشي يخص الاملاك الي سجلها فرات باسمج. وبصفتك شنوو حتى انطيك ؟؟ سكت وكعد ع القنفه واني باقيه واكفه بمكاني صدك اواجهه بس ميته من الخوف. طلع تليفونه وخابر كللهم فوتوا جوه هسه وشمر التليفون وطلع مسدس وظل يفر بالكاتم مدنك ويكولي بيا طريقه تردين اقتلج حتى تلحكين فراتج؟ فتحت عيوني على وسعهم ثواني وطبوا 3ولد بدخلتهم الخوف مسيطر عليه اشرلهم وكللهم روحي فتشوا البيت وطلعوا الاوراق الرسميه كلهه جيبوها الي. ظليت اتحسب عليه شكد كريه شكله مابي رحمه طلعوا الولد بيدهم كل شي حتى الفلوس والذهب ونطوهم اله واني واكفه بمكاني لاحول ولاقوه تسللت على كيف ورحت للغرفه وقفلت الباب شفتها مكلوبه كلاب كعدت بالكاع ابجي اكول لو فرات هنا قبل هيج يسوون؟ بقيت حد ما صار هدوء وصوتهم ماكو. طلعت من الغرفه واني محضره نفسي اروح للمستشفى. فتحت الباب وجان اشوف ولد اثنين واكفين منعوني من الطلعه وهددوني كالوا هي اوامر مطلعين دخلت جوه خفت منهم واحس مصيري مجهول خايفه يأذوني هم . ابجي واذكر فرات من بعدك ان**ر ظهري يمته تجي وتنقذني مكافيك من البارحه لليوم انت ماكو ومتسأل عني ؟؟ ظليت محبوسه مسجونه اسيره عدهم ونفسيتي تعبت كلش وحالتي حاله لااني بسما ولااني بارض مثل التايهه بين عالمين بين الموت والحياة. مثل الولاده المتعسره طويله بطيئه مؤلمه هيج يمر الوقت بارد موجع وممل هيج الوقت يمر واني بدون فرات ومااعرف عنه شي. حد مااجه زياد ووجهه الكريه وانجبرت اتنازل عن كل شي انطانيا فرات وطردوني من البيت بخلك هدومي. مجنت ضايجه بكد ماجنت فرحانه اطلع من سجنهم خلي ياخذون كل شي بس خليني اطلع منا واروح اشوف فرات وابويه ماادري عنهم شي تذكرت فرات من گلي هي فلوس حرام ومن نطلع منا نترك كل شي اني من البدايه جنت مقتنعه بهالشي . طلعت من البيت وظليت اباوعله خايفه لا مانرجع سوه اني وفرات خفت كلش وكلشي مجهول. وهاجس خاف لا ماشوف فرات بعد مسيطر عليه. اجرت ت**ي لو ما بجنطتي مالت ايدي كم فلس جان معرفت ادفع الكروه لان كل شي اخذوا مني رحت لبيت الحجيه ام رنا دكيت الباب طلعت الي مرت ابن اختها. فوتتني جوه ليم الحجيه شكد جنت تعبانه ومشتاقه الحضنها وكعدت ابجي واحجيلها كل شي. وهي تريد الها حجه تبجي شكلت ويايه ونزلت دموعها كتلها اريد اروح اشوفه واشوف ابويه ترجعين هنا؟ ؟ رجعي هنا البيت هذا يبقى مفتوح الج ماادري ياخاله ماادري انطتني مفتاح الغرفه الجنت انام بيها فتحتها ودخلت تذكرت كم مره نكعد اني وفرات هنا ويبقى يمي كل مكان الي بي ذكرى ويا دعيت الله يجمعني بي هسه حسيت بقيمته ومااريد افقده. اخذت فلوس خاف احتاجهن وطلعت سلمت على الحجيه واكدتلي ارجع يمها كتلها الله كريم. طلعت ورحت للمستشفى شفت نجم هناك يريد يصعد سلمت عليه كال شتردين اريد اشوف فرات مكافي الصار بسببج اني شنو سويت زواجكم نزوه ليش خليتي يتعلق بيج انت اكثر واحد تعرف اني مالي ذنب انت كل الذنب اريد اروح اشوفه تحلمين تشوفي بعد افتهمتي لا نجم عفيه وينه هسه اذا مترحين منا اني اعرف شون اصرفج زين كلي شلونه؟ ؟ موزين ووبعده بغيبوبه واذا تبقين كبالي ارتكب بيج جريمه! ! نزلت دموعي وحسيت بضعف اريد افوت للمستشفى لزمني ويخزر وين ولج اريد اطلع الكلمه كوه نطقت من الخوف كتله اريد اشوف ابويه عاد هو هد ايدي واني فتت. رحت اشوف ابويه وسألت الدكتور كال طلعي للبيت افضل، واني وحدي وهو على كرسي متحرك بس الحمدلله الناس الخيره بكل مكان وساعدوني اصعده بالت**ي مااكدر بعد اخذه لبيت الحجيه انحرج من ابن اختها اخذته البيت ام بنين. رحبت بيه وخصصت النه مكان بقينه يومين الوقت يمر ببطئ وملل شكد اتصل على رقم فرات من دون تفكير بس ماكو اجابه مغلق كعدت اقلب بالمسجات الي بينه مجنت امسح منها شي. اغلبها جانت عركه وعتاب، شكد حاولت اوصله مكدرت جانت عيني ع الباب اكول هسه يجي يسال عني وقلبي وي الفون وباي لحظه اتوقع اتصاله بس ماكو رحت للمستشفى كم مره ماحصلته ولا عرفت عنه شي بتوجسٍ و خيبةٍ بادية أَرقبُ قدومكَ، و كُلِّي يقين بعدمِ بزوغِ فجركَ؛ و لَكنني أُحسنُ الظنَّ و حَسبْ. الليالي موحشه متعبه ممله احس روحي عطشانه على خبر منه مرني انت ومااريد تمرني حتى العافيه مرني تلگاني اعلى نيتك راشده النيه وزلال وصافيه فراگه اخذ من عافيتي احس جسمي كله يون ويأذيني. وياسر ماغاب عن بالي ابد احتاريت بمنو افكر بمنو اشيل هم. رديت ادور على ياسر وعمار بعد ماائيست من فرات تليفون عمار هم مغلق. تواصلت ويا مريم مرت ابوي لان عدها علاقه وي وحده من زوجات عمامي كتلهه سألي على عمار شوفي وينه. كالت ميخالف وره يومين كالت عمار ابيت اهله. عديت العده لحتى اروح اله برجليني اروح اواجه الي ظلموني وسلبوا مني ضناي وفلذة كبدي ناس ميعرفون الرحمه ولاصلة الارحام رايحه اواجهم رغم جنت طول عمري اخاف اروح هناك. رحت البيت الحجيه واخذت ماتبقى من ذهبي وفلوسي الي هناك وهي محتفظه بيهم ورجعت البيت ام بنين واجرت الي واحد ثقه حتى يوصلني للمحافظه الي بيها عمامي. يتبع. بارت 18 في طرفة عين بعد سنيييين وصلت للمكان الي شفت بي اقسى ايام حياتي. كانت كلها قاسيه بس هنا عانيت الاقسى عشت طفوله ضايعه ماالهه لذه ماحسيت بعطف الام ودلال الاب وحمايتهم وماشفت حنان من احد بس من بيبي فقط حنان ملگيت حمايه منها لان هي هم ضعيفه اعرف اسم المنطقه بس متغيره حييل ونسيت بيت عمامي وين نمشي ونسأل والسايق هم ماقصر ويانا الحمدلله بعدهم بنفس مكانهم بس المنطقه صايره حلوه بيوت حلوه و بنايات حديثه. واخيرا حصلنه بيت عمي ابو عمار ونزلنه يمه والسايق ساعدني بتنزيل ابويه من السياره وخلينا على الكرسي نطيت السايق اجرته وراح بقيت دقايق واكفه يم الباب محتاره مره اسال اني شجابني هنا وشون اترك فرات هناك بعيد عني ومره اكول هذا الي مفروض يصير لازم اواجهم. واخيرا دكيت الباب. صوت انثوي من جوه كالت منووو بغصه كلت انييي بعد لحظة **ت فتحت الباب اني واكفه وره ابويه وهو بالكرسي المتحرك. باوعت الها منو بنات عمي هي كالت نعم تفضلي منو انت وشرايده ركزت بيها ملامح حزينه متعبه جوه عيونها مكتسب اللون البني وتجاعيد طاكه بالضعف صايره مثل الهيكل وضهرها محني. سالتني مره ثانيه معرفت شنو اجاوبها اريد افرغ كل شي بيه بيها اريد اض*بها اعضها املخها بس ماامتلك قوه قواي خائره كتلها ليش أنهار ليش حرمتيني من ابني ليش؟ انت منو شجاي تحجين لج اني ندى بنت عمج ندى الي استغفلتوها واخذتوا ضناهه قبل حتى لتشوفه. تقدمت باتجاهي و شمرت نفسها عليه وحضنتني وظلت تبجي بحركة أم ثكلى كالت نداااااااوي ولج اني اخذت منج طفل انتي ماشفتي ماربيتي ماارضعتي بس اني الله عاقبني وطلع حوبتج حرمني من 3اطفال سنين اربي بيهم وهسه من سنه محرومه من شوفتهم وحتى اخبارهم وخرتها مني ولزمتها من اكتافها كتلها عبالج حركة گلبي شويه الله يممممهل ولايهمل. كعدت بالكاع تبجي واحس دموعها تشفيني كثرة الالم والوجع تخلي الانسان في بعض الاحيان قاسي اني بلحظتها حسيت بقلبي تراب ومطرت عليه وصار حجر. بعد دقايق جتي بنيه ظلت تباوعلنه وراحت يم انهار كلتلهه شكو شبيج كومي منو هي. كامت انهار ودخلتنه جوه وهي تبجي وتمسح دموعها وترحب بينه وتساعدني اطبب الجنط وتسحب ابويه ويايه ودخلتنا للصاله كانت حركاتها تدل على انها تريد تثبت شي من ندمها على الي بيه سوته بهي الطريقه. اول مافتت تفحصت البيت صح متغيره بي هوايه اشياء من الاثاث بس بعده على حطته وهم صاير شبه متهالك. اول ماف*نه للهول مشفت احد بدون مااسألها كالت امي اليوم عمليتها راح يرفعون الها الثدي الثاني وابويه وياهه. مهتميت لأمها ؛ سألتها وين ياسر؟ منو ياسر؟ بعد منو ابني اليـ؛ هااا ايي قصدج أحمــد مموجود هسه فد شويه ويجي يعني وينه هسه؟ طالع وي منو طالع وي ابو لا مو وي ابو هسه حيصير مغرب شون تامنونه وحده بره وهو عمره 11بعده زغير خطيه والله شبيدي اني هو عمار كله روح اني هسه راح اسويلكم شي تاكلونه مبين من الطريق انتم جوعانين. واحنه كاعدين طب عمار للهول وعلى راسه خاولي ينشف براسه ويغني رفع الخاولي شويه وظل يباوع ضحك كال هلا عمي هلا بنت عمي شجابكم كمت وكفت كتله اجينه يعني شجابنه بعد. هااا زين سوبرمان مالتج اجه وياج لا وحدنه اجينه هههه مبين شبع وشمرج مووو؟ ؟ باوعتله بحقد وبقلبي اكول الحمدلله مو هيج جان صدك هسه يشمت بيه عمار. كتله لاااا تقرب عليه ويهمس بازدراء هههه مبين كطفج مثل كطف الجكاره مو؟ هههه اي لعد شتتوقعين من هيج زواج؟ومن هيج بشر بابا ذوله هي شغلتهم ياخذون البنيه وره مايشبعون يعوفوها وخر عمار مسوي نفسك ابو العريف كتلك ماعافني فرات ميعوفني بس تعرض لحادث ودخل بغيبوبه والهسه ماصحى منها هههههه حيييييل والله حييييل هي حوبتي اني مسوي نفسه مراد علم دار وجايب جماعته يض*بون بيه الله كله اوكف والله مايطك بعصا ان شاءالله بعد يموت والله يكمل جميله. اسكت عمار لاتفاول عليه اسكت ؛ ياسر وين. هاا وين وديته. ؟ ياسر صار رجال وطلعته يشتغل. لطمت على ص*ري وشهكت ياعزاك ياصخامك ولك شيشتغل وهو بهالعمر. ايييه شبيييج خلي يتعلم يصير زلمه. ادرييي شيشتغل؟ ؟ يبيع كلين** بالتقاطع صخاااام مطلعه بالشارع ولك الشارع كله بلاوي مجرمين ومدمنين انت شنو ماتكوولي رحت صيحت على انهار انهار انهار جتي من المطبخ كالت خير شكو شبيج؟ انت شون تخلينه يطلع ياسر يشتغل بالتقاطع هاا؟ ؟ اشرتلي انهار بايديها عود يشرب عمار و مابيدي شي. رحت يم عمار كتله انت شون ماصيرلك جاره هااا؟ بس كولي ماصيرلك؟ ؟؟ ظل يضحك عليه ويستهزأ وطب جوه اني بقيت مفرفحه على ياسر. كعدت افكر وبالي راح البعيد يمكن لو اني باقيه ويا عمار ومخلفه منه بعد جان انظلمت اكثر واطفالي هم انظلموا ويايه مثل ياسر. للمغرب اجه ياسر رحت اله حضنتها وكعدت بي بالكاع وبجيت وبجيت احس دموع حزن العالم كلها بعيوني ووجع الكون كله بروحي ؛ بجيت عليه وعليّه وعلى فرات وعلى كل شييي. هو يباوعلي مصدووم وبادلني الحضن حركته هي حركت بداخلي مشاعر فرح ولو شويه. ظليت امسح على وجهه وراسه بثنين ايديه كتله وين جنت؟؟ رد عليه بصوته البرئ ،الهادئ والمشبع بالحزن؛ عيونه ليجوه ميباوع بعيوني. ابيع بالتقاطع وجيت وحدك حبييي بهالظلمه لا نجي سويه اني والولد يا ولد ومنين ذول؟ من المنطقه هنا. بعدهه صاحت عليهِ انهار يغسل ويبدل ملابسه. راح مثل متكوله يسوي شكد يطيعها اباوعلهم صدك ابن وامه انقهرت وكرهت انهار. نام ابويه بعد ما فرشتله انهار دوشك بالارض رحت يمها للمطبخ وهي دتسوي عشاا كتلها انهار هي ليش هيج ياسر يشتغل حرام عليكم هو بعده زغير؟ ؟ شسوي ياندى والله موبيدي تدرين حيلي بايد اني منا امي مريضه السرطان اسم الله عليج نخر جسمها نخر وابوي محتار بيها وانمار ميهمه من تزوج لهسه ميهتم غير بمرته وهي شوفت عينج تدخل غرفتها متطلع وعمار محد يرده صاير كلش مو مثل قبل ابوي جان يسيطر عليهِ وهي اني صحتي بالنازل وشكل ويايه الضغط يصعد ومدينزل ابد والله ومسحت دموعها ودارت ع الطباخ تطلع البتيته من الطاوه. شفت حالتها متسمح اذيها بكلامي رغم قلبي مليان عليها بس بقلبي حجيت كلت هي ضريبة الي سويتو بيه الله بعد عيوني اخذ حقي وزايد. بعدها اجه عمي تفاجأ بينه گابل ابوي وظل يبجي وابوي متمدد ويبجي وياه. كله سامحني ماوكفت وياك بمرضك. شافني واعتذر مني كال ظلمناج بنيتي سامحينه. صبوا العشا وتعشينا. عمار شفته طالع وهو متأنق وكاشخ وياسر ياروحي نام من التعب. شبت نار الحقد بروحي على عمار وقررت ماابقى مكتوفة الايدي ومااسمح اله يخلي ياسر يطلع يشتغل. بعدهه فرشت النه انهار فرش بغرفة الخطار لان ماكو غرف كالت اني واحمد (ياسر) انام هنا فرشت يمي وتمددت واني هم تمددت كتلهه اكوول شون عرف رجلج انه ياسر مو ابنه تذكرين امل صاحبة امي وخالتي اي اعرفها يا مو كشفتها خالتي هي وعمي مسوين علاقه. عزا عزاهه هي مو متزوجه ؟!!! لج لا زوجها صار اله 7 سنين من توفى اهاا ماادري اي وراحن الهه للبيت كتلنهه كتله من هي التمام بس هم ماتابت وظلت على علاقه بعمي. هي عود صاحبتهن امداهه من صحبه عمت عليه والرباط شنو اصبري تجيج السالفه عمي عشگهه ع الاخير وراد يخطبها. ياااصدك يحجي هذا ملكه غير صاحبة مرته. اي مو خاويني واخاويج اخذ رجلج واخليج. كمليييي عاد امي وخالتي راحن لاخوتها وف*نن عليها واخوتها اخذوها من بيتها وحبسوها يمهم. خوش حجي باعي من اخذوا احمد منج امي وخالتي ودوا يم امل اموله بير اسرارهن بس ياحسافة هالبير فاض وطلع كل الاسرار راحت مضروبة الچلوه لغيث الرجلي وكلتله على كل شي تعرفين احمد يشبه العمار هوايه ودائما غيث جان منتبه على احمد شلون يشبه عمار ويكولي هذا شدعوه يشبه خاله عمار اكوله ليش كذب ابو المثل من كال ثلثين الولد ع الخال مكذب اي بس لايطلع عليهِ هم واذا طلع عليهِ اطرده. نادين: يمه اسم الله الله لايكولها يطلع على عمار واذا بقه هيج بالشارع 100%ينحرف. انهار: لا اسم الله تره حمودي تربية غيث لاتخافين عليه نادين: كملي من عرف غيث شسوه راسا صدكها. انهار: اخذ منه شعره معرف شنو وسوه تحليل واجاني عيونه براسه ودك ض*ب وطردني اني واحمد بالشارع ظليت ادك الباب اريده يدخلني اريد جهالي اسعد وسيف وسميه سمسومه عمرها شهرين من عفتها طلعلي وخلاني بالسياره اني واحمد وشمرني على بيت اهلي وظل يسب ويغلط. وراها طلكني وتزوج والي سنه وكم شهر ماشايفه جهالي عمار من عرف كملها ض*بني و**ر ايدي امي تمرضت وابوي هم وعمي تزوج امل. انكلبت حياتنا فوك جوه اني من اخذته كلت انت تخلفين وراه بس اني جنت مسدوده وسبحان الله راد يحرمني من جهالي من رزقني بيهم بعد ماااخذت احمد عمار سماه ياسر واني اصيحله احمد اكثر واحد تأثر هو احمد لان جان عايش بدلال ابو وبين اخوته وهم يشتاقلهم مثلي مرات اللتهي بالبيت وبالمرض والضيم وانسى بس هو اشوفه يبجي يكول مشتاقلهم ويلوم نفسه يكول اني السبب فرقتكم ويتامل يكول شون صارت سمسمه هسه خليناهه عمرها شهرين هسه كبرت يتسائل اكثر مني يكول شونها مرت ابوي وياهم بس لاتض*بهم وتاذيهم. من اخذه عمار راد يجيبه الج وكال اذا بعدهه ممزوجه. اتزوجها ونجمع شملنه وي ابنا بس شافج مزوجه. هو اجه الكم الهناك حتى يشوفج ويكول شكد دور عليج بعدهه صدفه ملتقيج. ندى ندى خو ما بعدج حاقده عليه ؟؟ ماادري بس بعد ياسر ميطلع يشتغل خوش ودرت ظهري الها وسكتت ودموعي بللت المخده طول ما انهار تحجي عن ألمها اني اكوللها حييل بيج وزايد. ياالله ياسر شكد تحمل ضيم حقه يصير هيج انطوائي اذا جان عايش احسن عيشه بين اخوته وابو وامه وفجااه يلكه نفسه بالشارع ويكولوله انت مو ابنه ياروحي ماراح اخليك تعاني بعد اني هنا من اجلك ولحتى احميك. حتى مكدرت انام طلعت التليفون اقلب برسائل وصور فرات شكد مشتاقتله شريد اتحمل يربي لاشك أن هذا الشقاء قد كُتب عليّ منذ وُلدت، لاشك أن ذلك قدري، وما من إنسان في هذا العالم يمكن أن يفلت من قدره. الصبح كعدت وكالعاده لبيت متطلبات ابويه وشفت ياسر يريد يطلع وكفته كتله وين تريد تروح حبيبي؟ اروح ابيع بالتقاطع لا متروح بعد خوش عمار ميقبل لازم اروح لا معليك بي كتلك لتروح. هو عافني بدون ميحجي ودخل جوه. بعدهه مشفته عرفت طلع قلبي وجعني عليه كلش انهار كالت يخاف من عمار. اصلا عرفت عمار ميستاهل يكون اب اله من جان متيهه بالشارع واجه يموت من دعمته. كلت اكول لعمي عليه بس تذكرت عمي حيران بمرته ظليت انتظر عمار يكعد واحاجي سالت انهار عليّهِ كالت يكعد وره الظهر يجي نص الليل اي بعده على سوالفه ذ*ل الكلب عمره مينعدل. طول اليوم انهار تحوس بالبيت كله عليها مرت اخوها بس نايمه. صبت الغدا وياسر ماكو كالت ميجي اله المغرب يخاف من عمار. وعمار هم ماكعد ردت اروح الها للغرفه اسحله واطلع ظيم الدنيا بي. وره الظهر شفته طلع من الحمام رحت يمه كتله بصياح عمار انت شمسوي بالولد هيج مخوفه هاااا لا صدك خوفتيني شتردين؟ ؟؟ ياسر بعد ميطلع يشتغل خوووش خلي يصير زلمه ومعليج بي مو فضلتي رجلج عليهِ وهسه شمرج جايه تسوين نفسج مهتمه. يعني والله ظلم انت نايم النهار كله وهو بالشوارع حرام عليك عمار حرام. شعنده شوراه مدرسه وبطل منها خلي يكضي شغله. بس هيج الولد راح يضيع عمار حرام عليك انت شمسويله حتى هيج مخلي يخاف منك. نشف شعره وخر الخاولي علگه وگلي تعاي خل نحجي رحت وراه للهول. كعد واني ظليت واكفه مخليه ايدي على خصري. احجي اسمعك صاح انهار اريييد اكل جاوبته انهار من المطبخ ان شاءالله رفع راسه يباوعلي كلي انت ليش جيتي جيت الياسر اني ابني والي حق بي. حلووو لعد اني هم ابو وانت امه وخل يلتم شملنه شخسرانين شبيك عمار اني متزوجه هه تقنعيني؟ ؟ يعني ذاكه الي مسوي نفسه سوبر مان ماطلكج وجيتي. ؟؟ كتلك لاااء اتطلكي منه ورجعيلي تحلم ارجع افكر بيك بعد عمار اني احب زوجي وبعدني على ذمته بس اهله حارميني منه. بكيفج لعد لو اني وياسر لو رجلج المادري شلونه. ودخل جوه بقيت وحدي كلش محتاره. شون اتصرف وي عمار شون راح احمي ياسر. حاولت احجي لعمي عليه گلي شبيدي اني هم رجال مريض ومحتار بامه حجيت لانمار اخو كال معليه اني هو ابنه وبكيفه. مرت الايام هيج اجوا عمامي هم بينهم كطع بس اجو شافوا ابويه وسألوني عن زواجي احتاريت شحجي وكدام عمار نوب عمار يهمسلي ويغمز متكوليلهم عن زواجج شبيج خايفه شبيج ويضحك. اني كتلهم تعرض الحادث وطلعوا اهله بره يتعالج. بهالفتره ابويه صحته مو تمام كلش نقلنا للمستشفى وعمامي ويانه دائما اسمع منهم جملة خلي يموت يرتاح احسن اله. بس بداخلي اني الي جاي اموت. فرات مامنه خبر ابد تليفونه مطفي و أَبحثُ عن طَيفكِ في شَوارِعٍ حَيّة، أكَاد أموتْ و أنا أَجولُ أَروِقَتها البَهِيجَة مَ**وٌ بالحُزن. بس جنت انتظره واكول يرجع لازم يوم يرجع الي بس ماكو اخابر ام بنين كلي امل طلع فرات يسال عني يمها بس ماكو متعرف عنه اي شي ولاشافته كلتلي جابوا وحده تشتغل بالصالون وطردتني انقهرت حيييل عليها كتلهه لعد شوون دااشتغل بالبيت ومرات اروح يم صديقتي اشتغل اذا عدها شغل هوايه والبنات شونهم مشتاقتلكم هوااايه. والله الحمدلله البنات زينات الحمدلله زوجتهن بقت بس الزغيره جان منين اجيب اصرف عليهن وشغل ماكو انت شخبارج بالظيم اني الله كريم. بهالفتره غيث رحم بحال انهار ورجعها بسسسس لحتى تداري اطفاله لان زوجته حامل وهي مصدكت ترجع. جانت كل عمرها تخاف يتزوج عليها بس هسه تقبلت الواقع غصب عنها ياسر تمرض وتأذى كلش لان جان يريد يروح وياهه بس غيث ميريده وعمار ميقبل. ابويه كضاهه بالمستشفى وحالته ميئوووس منها حد يوم خلص ماااات. جذب الي يكول ارتاح منه لا تعودت عليه وصارت روحي بي رغم مشفت منه شي دلال وعطف وحب ابد. بس مكانه فارغ كلش كرسيه ملابسه حتى من يضوجني هم. بس هذا حد يومه. خابرت ام بنين هي الوحيده الي اصبرني بكلامها كتلها جنت اصير عصبيه عليهِ وهسه متندمه بسرعه راح ظلت تهديني تكولي هم مقصرتي ويا رغم كل شي متخليتي عنه. سالتها عن فرات كالت مااعرف عنه شي. صار عندي هوس وخوف خفت لاصدك فرات مات وتركني ليش لحد هسه ماسأل عني. ؟؟ بعد وفاة ابويه ام عمار توفت بالعزا شفت اختها مرت عمي ماسلمت عليها هي اجت بوستني وكالت عذريني حبيبه محجيت وياهه ابد. الكل مجانوا يعرفوني لان متغير شكلي. بس انهار تكوللهم عليه. مجان الي خلك احد الي بيه كافي وزايد. مرت الايام وياسر يروح للشغل واني مابيدي شي ومااكدر امنعه ومرت انمار كلش احسها ضايجه مني واني كعدتي وياهم احسها محلوه ابد بس وين اروح ومااكدر اترك ياسر. صارت جية فرات اليه لحتى ينقذني حلم مااشوفه لابنوم ولابيقضه وماادري شون صابره بلا مااعرف اخباره. اباوع لصوره وداخلي كله يون ويحن اله شكد تحملت المخده الي انام عليها من المي وحزني ودموعي . جنت اخاف من عمار هواي يتحرش بالحجي ويضوجني ويذكرني بفرات كل شويه. بفد يوم عمار كال الياسر لتروح باجر للتقاطع عندي شغل ثاني الك. ياسر ماطلع لحد الظهر كعد عموري من النوم وتغده واخذ ياسر وراح. ايام يجي ياسر هلكان من التعب مياكل يجي يشمر نفسه وينام. لحد ما ظل ميجي حتى بالليل متت خوف عليه عمار لازم البطل وكاعد يشرب ولايهمه خفت منه رحت لاخو انمار دكيت الباب عليهم مرته طلعتلي تكولي نايم وهو شعليه. عمي هم كعدته عمو ياسر مااجه يكولي شسويله اني اريد اناااااام. ياربي شون بشر ذولي وينك فرات وكتك هسه تعوفني للصبح اني مانايمه من كعد انمار كتله ياسر مااجه بالليل عفيه شوفليا ميصير هيج الولد راح يضيع حرام عليكم. راح انمار وللعصر مناك خابرني كال سالت عليه الولد اليطلع وياهم كالوا يشتغل بالسوك حمال. سوده عليه الله لايوفقك عمار وين بي يدفع عربانه هو زغير وين يتحمل يدفع. لبست عباية راس وطلعت للسوك ادور عليه قررت لحظه ماابقى هنا اخذه وارجع وهم ادور على فرات. واعرف اخباره. دخلت للسوك ادور عليه سالت شكم ولد يدفعون عرباين حماليين كالو المغرب كلهم يتجمعون يم محل ابو حيدر يسلمون العربانه اله لان هم ياخذوها منه ايجار فالمغرب يرجعوها. دلوني على محل ابو حيدر ورحت كعدت بصفه انتظره للمغرب اني كاعده لمحته اجه يدفع بالعربانه فارغه كوه وهو ضعيف ظليت ادعي على عمار واتحسب عليه. يربي طفل الي بعمره هسه بالبيت ديلعب بليستيشن لو يرسم لو يتف*ج تلفزيون وهو بالسواگه يفتر. شفته سلم العربانه ودفع فلوس ايجارهه. شافني اجه يتمشى باتجاهي بخجل. بس شفته حضنته دفعني كلي اني جبير عيب تحضنيني بالسوك كتله موبيدي اريد اخذ التعب عنك ليش اجيتي حتى اخذك ويايه انت ليش مدتجي للبيت؟ ؟وين تنام اخذني ورحت ويا وصلنه لمكان اظلم قليل يوصله الضوه بنهاية السوك وشفت ديحضرون كراتين جبير مال سبالت فارغه وغيرها و ولد بمختلف الاعمار يحضرون نفسهم حتى ينامون بمكان لايصلح للبشر كال هنا انام احتاريت شسوي بسته على راسه دموعي وكعت على. شعره مثل المطر من ينزل على العشب ويبلله كتله ماتظل هنا وانا امك رجعنه للبيت ويوم ثاني من الصبح لملمت اغراضي وملابس ياسر وكتله يلا نروح وين؟ ؟ انت معليك اني راح اخذك واعيشك هناك احسن عيشه اني اريد ابقى هنا قريب على اخوتي واختي وامي وابوي حتى لو ميردوني بس اني احاول مااريد ابتعد عنهم. ياسر اوعدك وعد اخليك تشوفهم ونجي نزورهم بس هسه امشي ويايه كوه قنعته. قررت اخذه لبيت ام بنين وهناك يحلها الف حلال. ومن الصبح كلهم نايمين طلعنا اني وياسر اخذنه ت**ي لكراج المحافظه وصعدنا سياره عبريه. ومشت بينه. ،، يتبع

Free reading for new users

Scan code to download app

App Store Google Play

Facebookexpand_more