النهاية تأنيب الضمير

4078 Words

في طرفة عين *النهايه* نورا ناصر. *فرات جان وقع كلام ام بنين صادم لحظتها أنبني ضميري تأخرت عليها هواي والله أعلم بحالها هسه. ام بنين: انطتني عنوان انطي الك اذا جيت تسأل عنها فرات: اي ياريت تنطيني العنوان. راحت جابته واجت اخذته منها وصعدت بالسياره فكري مشغول بيها شنو احوالها هسه وشون عايشه شون كدرت اعوفها كل هالاشهر. وصلت لبيت نجم دكيت الباب طلع متفاجأ بيه نجم: هلاا اخيي، عضيدي لزمني من ايدي يريد يدخلني جوه. سحبته من خيط فانيلته تعال نجم هسه توديني للسيد الي عقد النه اني ونادين مجاي اـتذكره اني نجم: فرات شبيك من كل عقلك انت ادخل جوه نتفاهم فرات: ماادخل بيتك وكافي كذب يلا وديني كتلك. نجم: نتخارب علمود مره هيج تريد؟ ؟ فرات: لك هي زوجتي عرضي وشرفي واني تاركها صار اشهر هسه يلا وعيت وتذكرت وعرفت هي زوجتي وانت بعدك جاي تكذب عليه بعد متعبر يلا توديني لو تنسى عندك اخو؟ ؟ نجم: اوكي هي زوجتك صح بس صدكني زواجك منها جان مجرد نزوه انت بنفسك كتلي هالكلام بس مااريد اخسرك فرات بس انطيني فرصه اللبس واجي. فرات: انتظرك بالسياره خوش؟ ؟ دخلت بسيارتي انتظره ربع ساعه واجه فتح الباب وكعد يمي حركت بسرعه وصفلي المنطقه وبيت السيد وصلنه الها نزلنه عنده طلع اسمائنه بالسجل مالته التاريخ جان 24/8/2013 يعني استمر زواجنه سنتين وكم شهر طلبت منه نسخه من العقد لان الاصلي ضاع. اخذنه منه نسخه وبس طلعنه وكفت بالباب نجم جان سابقني بخطواته. صحت عليه كتله نجم سنتين وانت تكول نزوه؟ ؟ النزوه شهر شهرين تلاثه ياعمي كوول 6اشهر مو سنتين. نجم: ماترهملك تره. فرات: افا عليك ابن امي وابوي ماتوقعتها منك تجذب عليه تحرمني من مرتي؟ ؟ نجم: لاتنسه مرتك الي تكول عليها هي وراح تخسرني بسببها اشتغلت وي عدوك زياد الي حاول يقتلك اكثر من مره واني بهي اريد احميك مجذبت اعتباطاً بس لحتى احافظ عليك. فرات: لتخاف راح اعاقبها بطريقتي وانت مااريد اخسرك ولاراح اخسرك مستحيل بس مجان لازم تضم عليه. نجم: هسه امشي للبيت نتعشى سوه. فرات: خليها غير مره تعبان وبالي مو صافي وعندي صداع. نجم :على راحتك بس لتزعل مني فرات: راح تدفع ثمنها هي الجذبه بس مو هسه. نجم: مستعد ادفع عمري الك اني بس متزعل مني. فرات: ماكو زعل بينا احنه روح وحده هسه يله اريد ارجع ارتاح. نجم: شراح تسوي فرات: خليها للوكت. اودعناك اخووي. طلعت من يمه بس منهك وتعبان اريد ابتعددعن نجم شويه اريد انسى الي سواه بيه. ومااريد اتصرف هيج ويا. رجعت للبيت. هديل ماكو هالفتره كله يم اهلها وبس عبود بالييت يم الخدامه اخذته وصعدت فوك لعبنه اني ويا ونعس ونام. بهالكم يوم اتفقت وي اخوتي ايهاب ونجم يروحون وياي اجيب نادين. جهزنه نفسنه وطلعنه ع العنوان الي كاتبته نادين. المحافظه مو كلش بعيده ساعتين ووصلنا وبينما سألنه استغرقنا شويه وقت جنت كلش متلهف اشوف نادين ومجاي اكدر اصبر وصلنا وقت الضحى للبيت نزلت من السياره كلت لاخوتي راح اتأكد واجي شفت باب البيت المقصود مشرع وكفت يم الباب سمعت صوت قريب وعالي كلش وعرفته صوت نادين كلت تحتاج مساعده طليت شفت واحد لازمها من شعرها وهي تقاوم تض*ب بي ،اني وبدون مااتعرف عليه دخلت جوه دكيت على كتفه دار عليه ض*بته بالمنطقه الحساسه وكع متألم ع الارض. نادين * شفت فرات دخل جوه نسيت روحي ونسيت الم ايد عمار وهو كامش راسي اللتمعت عيوني بالفرح والسعاده دققت بكل تفاصيله نضاراته وساعته وقميصه اسود البي لمعه مثل الجلد وراجعتله عافيته وشعره طولان جان كلش مخفف شكد مشتاقتله. بقى عمار يتلوى من الالم بالارض واني واكفه الابتسامه شاكه حلكي من الاذن للاذن من فرط السعاده متوقعته يجي ويثبت الهم انه هو زوجي. كتله بلهفه فراات انت جيت؟ ؟ فرات: تتوقعين مااجي ؟ نادين * حسيت على نفسي واني مبهذله لابسه دشداشه نص ردن وكطمه من جوه بي كصر وحتى لونها املح اشتغل بيهه بالبيت ارتاح بيها واني متعوده كدام فرات اطلع بأبهى حله تمنيت لو مستعده الجيته لو احضنه هسه بس ماادري ليش جاي خايفه لابعده مامتذكرني كلشي اجه على بالي. فرات؛ هذا منو واشرت على الارض نادين: تذكرتني فرات؟ ؟ اباوع بوجهه ممصدكه. فرات: ضحكت اي نادين: لعد شون متتذكره الهذا اذا تذكرتني؟ ؟ فرات: يعني لسه اكو احداث مداتذكرها كام عمار من الارض واكف بألم ولزم فرات من ياخة قميصه بنفس الوقت فرات لزمه قوي من ايده الي لزم بيها ياخته عمار: انت شنو عبالك هايه رجوله تض*بني هنا؟ ؟ فرات: وانت هم حاسبهه هي رجوله تض*ب مره عمود فلوس؟ اشتدت العركه بينهم وجوي اخوته الفرات وفاككوهم عمار مسوي نفسه زلمه وهو يطوطح ميكدر يلزم روحه. بالاخير عمار اتصل على عمامي واجوي للبيت. عمار كلي فوتي جوه شعندج واكفه هنا عوجت حلكي ودخلت للمطبخ. اجه عمي كلي سوي جاي للجماعه سويت جاي وحضرته اخذه عمي وراح وظلوا يحجون فرات كال الهم انه هو خطبني من ابويه جان صاحي،ومابي شي ووافق على زواجنه واهله ماكللهم لان جان ميحاجيهم. اخر شي طلبوا منهم يتغدون يمنه بس هم مقبلوا وراحوا. اجه عمي انطاني تليفوني كال هذا من فرات حتى تعقدون محكمه هنا وياخذج ويروح كتله وياسر؟ ؟ بعدين تصفى هم باقين هنا بس عمو اني اريد ياسر ومااتخلى عنه. انتوا حلوها بيناتكم انت وعمار بقيت محتاره خايفه لا مايخلوني اخذ ياسر رحت للغرفه واخذت السيم وخليته بالتليفون وصلت مسجات كومه من زياد خفت حتى اقراها اتصلت على ام بنين وحجينه وكتلها شكد فرحانه بجيت فرات وطمنتها عليه وكتلها قريبا نلتقي. بعدها اتصل بيه رقم مكتوب فرات عرفته هو حافظ رقمه الجديد الي فرحت كلش وگلبي رجف من الفرح. جاوبته. فرات عتبي على قلبك شون گدر ينساني؟ ؟ ميخالف خلي قلبج الطيب يعذر قلبي المجروح. اسم الله على قلبك شبي مجروح مجروح والجرحوني هواي بس لااني منهم مو هسه نتحاسب هناك من نرجع نتحاسب ونتعاتب. فرات وياسر؟ ؟ شبي؟ ؟ اريده اني مااكدر اتخلى عنه ياسر ابنج مو؟ اي ابني ليش انت موتذكرت؟ ؟ مو هواي شغلات تذكرتها بس تذكرت من شفتج بالليل وتذكرت اني احبج وبالنسبه الياسر هذا ابو عود يريده وظل يحجي بس لتخافين اني راح اتصرف ومااخليج تبتعدين عن ابنج ابدا. ماشي هسه ارتاح قلبي. حضري نفسج حتى نصدق زواجنه بالمحكمه مستمسكاتج عندج لو هم اخذوها؟ ؟ لا عندي باقيه. ماشي حضري نفسج اني مستعجل حتى اروح. ماشي. سديته بس محتاره بكلامه ليش زعلان مني اكيد يقصد لان اشتغلت وي زياد بس راح يعذرني اني جنت اريد اوصله. بلغني باليوم الي راح اروح بي للمحكمه سالته عن ياسر كال انحلت وياسر حيروح ويانه. من اشوفج نحجي. بيوم العقد باوعت على نفسي بالمرايه شصاير بيه صدك افشل شون شافني فرات هيجي بشرتي باهته وصفره وشعري من اشهر بدون تسريح عايفته بدون حتى عنايه حواجبي ممرتبات. ووزني زاد لان لارياضه ولاحميه اكلي شون ماجان. لذلك وزني زاد. من ارجع ويا فرات اروح لام بنين وارتب نفسي. بدلت ملابسي وحضرت ياسر نودي لبيت انهار مااكدر اخلي وحده بالبيت ولا اخذه ويايه يضوج خاف تطول الاجرائات وبالبيت ماكو احد الكل بالدوام كملنه واجه فرات وصعدنا بالسياره بس اشوف بعيونه زعل وتعامله ويايه ببرود شويه. مهتميت وبقيت اسولف ويا واجامله وهو هم بس اني حسيت بي زعلان عليه بس ميريد يبين الي. ودينه ياسر لبيت انهار وكالت خلي يبقى يمنه هاليله لان مبقى شي ونروح وبعد هوايه يله يشوفهم. سألت فرات على عمار وشون قبل يتنازل عن ياسر وشون حليتها ويا. كال هذا فد واحد مجرد من كل احساس،وضمير تصوري قبل يبيع ابنه اليه بفلوس. اني كلش خجلت ومعرفت شنو اجاوب يعني هسه فرات اله فضل عليه عمري ماانساه وبنفس الوقت ضجت كلش لان هيج صورة اهلي كدامه ناس مصلحجيين يبيعون كل شي عمود الفلوس. رحنه عقدنا ورجعنه البيت عمي. دخل فرات ويايه كال اريد اروح كتله ابقى ع الغدا فرات: لا مااكدر ابقى بس اريد احضنج مشتاقلج احضنج واروح. اصلا اني اكثر منه مشتاقتله بس دحسه زعلان مني ومو على بعضه خفت لا يعتبرني غريبه علي. حضنته بدون مااجاوبه والحضن طول لن يكفيني هذا العناق اريد ان ارتشف رشفة منكِ اروي بها عطشي. حضن كله لهفه وعشق وغير رأيه بقى اكثر من ساعتين يمي رجعلي فراتي الي مايشبع مني بنفس اللهفه والرومانسيه ممتغير منه شي. بقيت نايمه على ص*ره كتله اني متغيره وممهتمه بنفسي بس نرجع الهناك ارتب روحي. كال احبج بكل حال وميهمني شكلج احب روحج اني. عرفت الفرق بينه وبين عمار وعرفت الله شون عوضني بفرات وخلصني من عمار. لو باقيه الهسه ويا عمار جان هسه اني مدفونه بالحياة. صح فرات غلط هوايه بحقي بس ديصحح اخطائه وحتى حسيت يريد يطفل لان ماطلب اي وقايه من الحمل هالمره. فرات: ليش عمامج يصيحوج ندى مو نادين؟ ؟ نادين: هذا اسمي الحقيقي واني غيرته فرات: ليش غيرتي نادين: ليش متحب اسم نادين فرات: احبج على حقيقتج. احب كل شي بيج. وميهمني اسمج شكلج ماضيج الي اقضي بقية حياتي وياج وبس. نادين: وين راح اروح هناك وين راح نكعد فرات: راح اوديج يم اهلي. نكعد وياهم نادين: مو خطر علينه يم اهلك؟ ؟ فرات: معليج انت اطمئني اني راح اسوي شغلات متخطر على البال راح انتقم من الي سوه هذا كله وادفعه الثمن. نادين: لا فدوه فرات خلي نبتعد عنهم وعن المشاكل اني خايفه هالمره يقتلونه خلاص. فرات: لتخافين وانت ويايه اني راح اخلي حد الكل شي. نادين: وزوجتك مو عايشه وي اهلك؟ ؟ فرات: اي معليج منها انتِ نادين: شون راح اعيش وياهه ببيت واحد؟ ؟ فرات: گتلج خليها عليه واطمئني وهسه خلي اكوم اروح وين الحمام؟ ؟ دليته ع الحمام سبح وطلع بقه بالي مشغول بالروحه هناك راح يخليني بوسط اهله ومرته وزياااد؟ ؟؟!!! شي يخوف بس اني واثقه منه هو ماادري شنو راح يسوي وعلى شنو ناوي خليتها عليه بس بقيت افكر. ********** طلع من الحمام رحت يمه اباوع شكله شون حلو وهو مبلل شعره رحت حضنته دفعني فرات: ولج وخري نادين لايطب احد نادين: وخرت عنه كتله محد يطب الجهال يجون ب12وربع من المدرسه وعمو وعمتي ب2. بس انت ماادري شبيك؟ ؟ فرات: مابيه شي حبيبتي يلا تعاي نادين: وخر بعد مااريد تتغده لو تروح؟ ؟ فرات: لا اروح نادين: خوش عفته يمشط شعره ورحت انتظره يم الباب بس ضجت من حركته ليش هيج يسوي قبل شويه الي يشوفه ميكول يتعامل ويايه بهيج برود واسلوب جاف. اجه يمي كال يله اني راح اروح اي روح لازمتك خما لازمتك باس خدي وطلع. بعد فتره خلصت اجرائات المحكمه خابرني حضري نفسج باجر من الصبح نطلع. حضرت نفسي اني وياسر ياسر: احنه راح نبقى هيج يوميه مكان؟ نادين: ميخالف حبيبي ان شاءالله هذا اخر مكان اروح اله ونستقر وسنه التجي ترجع للمدرسه اخليك بأحسن مدرسه ماشي حبيبي اشو ارفع راسك اضحك يله ياسر: هف وطلع بره ضوجني ومنا اني ضايجه واكو خوف من الي راح يصير. طبعا عمار بعد مشفته ولااجه شاف ياسر اهم شي عنده قبض فلوس وراح وانطوت صفحته من حياتي كولها. اجه علينه فرات ودعنه الكل وطلعنه دنريد ندخل بالسياره شفت نجم والخ ماعرفه فرات كال هذا اخويه ايهاب من شفت نجم صدك ضجت اخر مره فرفحني واذاني وخدع فرات وطلعني كذابه فرات شلونه لسه اله ثقه بي وجايبه ويا؟ ؟ نجم: نادين اني اعرف اذيتج اخر مره بس جان كلها المصلحتكم. بقيت صافنه ودرت وجهي مناك ومخنزره كلش ضجت منه فرات دغني بيدي وهمسلي مو ديحجي وياج ليش متجاوبين؟ ؟ سكتت ودخلت بالسياره اجه كعد يمي ولسه نجم وايهاب مافاتوا. فرات: شبيج مو جاي يحجي وياج نجم؟ ؟ نادين: يعني بعد كل الي سواه جايبه وياك وجاي؟ ؟ فرات: نادين نجم هذا اخويه شنو تردين اتخلى عنه؟ نادين: ليش نسيت الي سوا اخر مره مو طلعني جذاابه وخدعك؟ ؟ فرات: مبين تردين نتعارك هسه هااا؟؟ نادين : باوعتله مخنزره الله يستر من هالروحه بس بقلبي كتله اييي والله حتى العركاتنا اشتاقيت. دخلوا الولد وهو سكت وكعد ياسر بيناتنه وظل يسولف ويا شنو يحب وشنو يتمنى وعن اصدقائه وهيج حجي طول الطريق . نزلنه للاستراحه بالطريق فرات صار يمي خله ايده ع اكتافي كال الفتره هي بس راح تبقين ابيت نجم. نادين: شوون؟ ؟ اني مالي ثقه بي اخاف منه شون ابقى ابيته فرات: اني يمج شبيج تخافين؟ ؟وبعدين نجم ثقه نادين: باوعتله رافعه حاجبي كتله هه اي ثقه مبين ودرت وجهي ع الجامه لزمني من حنكي ودارني عليه كال اييه ثقه شبيج ماالج ثقه بيه اي الي ثقه بيك انت مو هو. خلص نادين خلص اتركي كل شي عليه ليش هو اني بيدي شي اسوي هو كل شي عليك تاركته الله يستر بس. فرات ليش دااحسك غريب عليه ليش داحس وكانه جاي غصب. فرات: تره حجيج هذا مااله اي معنى سدي الموضوع كافي. نادين: سكتت ومجاوبته بس قلبي مثل النار وماكدر احجي اكثر. وصلنه البيت نجم ونزلنه رؤى شوف*ني الغرفه الي راح نبقى بيهاا دخلنه اني وياسر سبحنه وارتاحينه بعدهه صاحوا النه نتغدا. تغدينه وعلى الغدا فرات يضحك ويشاقه وي اخواته وي رؤى شعل نار الغيره بقلبي. ولا عندي ميانه وي اخوته حتى اغيضه كعدت اخزر بي وهو ميباوع الي زادت نار بيه. وكمت من الاكل وياسر كام ورايه غسلنه ورحنه بالغرفه. تمددنه ع الفراش وياسر نام غفه تعبان كلش بس اني مكدرت انام. دخل فرات. نادين: اكدر اعرفك شبيك وليش هيج دتعاملني انت هيج دتخوفني دتجي افكار ابالي اخاف منك. فرات: ايي مثل شنو افكار؟ ؟ نادين: اتخيلك تكذب عليه ممتذكرني؟ ؟ وماخذني تأذيني. فرات :راجعي روحج شنو مسويه؟ ؟ نادين: اني شسويت نجم شنو كلك عليه؟ ؟ تره كلهم كذابين كلهم. فرات: اني شفت بعيني تشتغلين وي زياد ملكيتي غيره؟ ؟ هاا عدوووي مو تعرفينه عدوي نادين: اعرف ردت اوصل الك اني فرات: ملكيتي غيره نادين: نجم مقبل يساعدني شسوي وين احصلك وين الكاك هاا هي فوك ماغلطت بحقي وتزوجتني هيج زواج يعني فرضاً مامتذكرني واهلك سوو بيه الي سوو اني شون راح يكون موقفي؟ ؟ شون راح ابقى معلكه بيك؟ ؟ هاا وهسه جاي تلومني اني لو ممستخدمه زياد لاوصلك جان لهسه اني متشرده من بيت البيت. وعمامي لو غيرهم ذ*حوني على هالزواجه هي اني مغلطت وهسه شنو تريد تعاقبني بتصرفك هذا ماايهمني واذا تريد تطل مكملت وخله ايده على حلكي سكتني وكال اشش اسكتي يله وخلاني وطلع. كعدت بالكاع ابجي يربي ليش هيج يسوي ويايه؟ اريد انام مااكدر. للعصر دخل للغرفه كال نادين اني طالع تردين شي مجاوبته ودرت وجهي،سد الباب وراح. وبعد مااجه مرت ايام هو يجي يطل علينه ويروح بس اني مااحاجي بس ميته عليه مشتاقتله كلش. وميته قهر من تصرفه. اجه بعدها واخذ ياسر وطلع وتاخروا ظل بالي على ياسر وظليت اتخيل اشياء خفت لافرات ياذي. كلت اخابره وخابرته جاوبني فرات: الووو هاا نادين؟ فرات وينكم انتم تاخرتوا ليش تسألين شنو ليش اسأل ياسر شلونه؟ ؟ زين ياسر وينه انطينيا احاجي؟ ؟ مو يمي هسه عزاا فرات وين وديت ابني لك مو هيج تعاقبني مو هيج مو تاذيني بابني حرام عليك. ولج اششش سكتي شبيج هسه راح اجيبه واجي. وسد التليفون بوجهي. وبقيت خايفه على ياسر وكل ظني سوء بفرات. بعدها بساعه من التفكير والتوتر والخوف دخلوا عليه ياسر وفرات. نظرات فرات ماتتفسر ضايج مني حييل اني حضنت ياسر واكول حبيبي انت بيك شي خو مامتأذي. فرات: هيج اتظنين بيه سوء نادين. ياسر كول لامك وين جنت وطلع فرات وسد الباب. ياسر دفعني خفيف اييه شبيج ندى اني مو طفل اني كبرت نادين: ندى شنو ! !!كول ماما ياسر: ماكو فرق نادين: وين جنت ياسر وين رحت وي فرات؟؟ احجيي ياسر: سجلني بالنادي مال فنون قتاليه اني من قبل ابويه مسجلني بالنادي هناك واللعب تيكواندو نادين: منو ابوك عمار ؟؟ ياسر: لا بابا غيث زوج ماما انهار نادين: هاا ياسر: فرات كلي شنو تحب كتله هي اللعبه وسجلني اليوم و***بت وتعرفت على اصدقاء. ناد ين :تمام حبيبي الحمدلله فرحت وضجت بنفس الوقت. فرحت لان فرات يهتم بياسر رغم زعله عليه وضجت لان هيج ظنيت بي. مرت ايام ميحاجيني وبقينه ببيت نجم وراح يصير النا شهر. اني جنت اكثر وقتي بالغرفه وخاصة من يجي نجم لان مااطيقه واحسه مايطيقني بس زوجته حبابه وهادئه. يوميه يجي ياخذ ياسر ويودي للنادي ويجي ياسر فرحان ويسولفلي واسم فرات ميوكع من ل**نه عرفت يهتم بي هوايه لعد شبي وياي اني تعبت حييل وهو بعيد عني. خابرته كتله اريد اروح لبيت ام بنين وللحجيه اشوفهم كال ميخالف. بدلنا وطلعنا اني وياسر سوه هو اجه علينه طب سلم على رؤى ويشاقيهه ويلعب ابنها عزوز. بعدها طلع للسياره طلعنا وراه يحجي وي ياسر وميحاجيني واني هم تركته بس مشتاقه لتوسلاته قبل شكد جان يتوسل حتى ارضى هسه لا تغير جنت اكرها يتوسل بيه هم الع**. وصلني لبيت الحجيه دخلت سلمت عليها فرحت بيه كلش واني حييل مشتاقه الها ماانسى البيت الي احتواني وعرفني على فرات ابد. بعدها رحنه لبيت ام بنين ونزلت عدهم وفرات و ياسر راحوا. ام بنين صديقة عمري من 11سنه سوه احنا جانوا بناتها موجودات هم عمودي جايات يشوفوني اعتذرت الها لان ماتواصلت وياهه مجان عندي فون. وهم سوينه جلسة تجميل سرحت شعري وغيرت لونه سويته احمر وخصل غامقه وتنضيف بشره ورتبت رسمة حواجبي. خابرت فرات اطلع للسوك وياهه ماقبل كال غير مره لليل بقيت يمها وتعشينا سوه. اجه عليه نجم هو ورؤى كال فرات عنده شغل ضجت لان مراح يشوفني بالتغيير. رجعت للبيت وبقيت بالغرفه كل شوي اباوع لروحي صدك طلعت حلوه اتسائل شون حيشوفني فرات هيجي شنو يكون ردة فعله هم مراح يهتم ظليت اتسائل بشنو مشغول اشو كلش مدااشوفه مو من عوايده؟ ؟ بعدهه اجه ياسر كال وصلني فرات وراح نادين: عيب تكول فرات هو موبكدك ياسر: بس هو كلي براحتك شنو تريد تكولي كول. نادين: تحبه الفرات؟ ؟ ياسر: اي نادين: اكثر من عمار ياسر: مااحب عمار نادين: تعشيت؟ ؟ ياسر: اي اني وفرات تعشينه بالمطعم. نادين: هااا اممم. الصبح كعدت حالتي حاله معدتي موتتني وغثيان ومااشتهي روحي كلهااا. ظليت رايحه جايه ع الحمام اتقيئ شاف*ني رؤى كالت اسويلج ريوك كتلها بس اريد انام كل شي مااشتهي. لفيت روحي بالغطا ونمت. حسيت اصبع تلعب ب*عري فتحت عين وعين لا شفته فرات يمي. متمدد ع النص ويلعب ب*عري يباوعلي. كتله ها فرات قرب وجهه يمي كال شبيج رؤى كالت مريضه اليوم اوديج للمستشفى؟ ؟ لا ميحتاج بس شويه تعبانه هسه اصير زينه. صيري زينه اليوم اروح لأهلي شنووو؟ ؟ ايي اريد اخذج لأهلي اووكي. سكتنه شويه خليت راسي بحضنه كتله وين ياسر؟ ؟ وديته للنادي فرات بعدك ماتريد طفل مني؟ ؟ اني من شوكت مااريد طفل منج؟ ؟ بس الضروف جانت صعبه شويه وجانت عندي مشاكل ماجنت ضامن على حياتي. لعد اني يمكن حامل؟ ؟ صدك لعد يله بيها الخير ولازم نعجل بالاجرائات اجرائات شنوو بعدين تعرفين.المهم حلوه طالعه شنو هالتغيير عجبك؟ ؟ انت كلج تعجبيني احبج. العصر رحنه للطبيبه وطلعت حامل فرحتي مجانت تنوصف لطالما تمنيت يصير عندي حمل. من الطبيبه وطلعنه بالسياره ووكفها يم بيت جبير سالته كال هسه تعرفين. دخلنه للمدخل وصلنه للحديقه تفاجئت بلي شفته مره ورجال كبار بالعمر كاعدين ويمهم زياد وهديل وبعد ايهاب ونجم واثنين غيرهم. من شفت زياد خفت فرات جان لازم ايدي ختلت وره كتفه. هو سلم عليهم وكللهم هي مرتي الاولى ندى! !! فرات * جنت طول هالفتره مشغول وانشغلت عن نادين هواي زعلتها وردت ارضيها بطريقه تليق بيها وبحبي الها وانتظرت اخلص شغلي. ردت اعرف منو وره عملية الاعتداء علينه اني ونادين. بمساعدة انس رحت للضابط المسؤؤل عن التحقيق بالقضيه وهو مقصر وانطانه معلومات عن الي نفذوا الاعتداء واسمائهم وعنواينهم كال لزمتهم الشرطه بس اجت اوامر نطلق سراحهم منين الاوامر كال من جهات اعلى. واحنه بهالحاله منكدر نسوي شي! ! بعد ايام عثرنا عليهم اخذنا جماعه نعرفهم اني وانس وخ*فناهم ودك كتل حد مااعترفوا كالوا اكو واحد اسمه نبيل هو الي انطانه فلوس ونفذنه كل شي. نبيل زوج امال اخت هديل! ! تفاجئت معندي عداوه ويا ليش هيج يسوي؟ ؟ خابرته وعزمته ابيت اهلي بمزرعه بعيده كتله مشتاقلك وعندي وياك سوالف ومن هالحجي وهديت عليه جماعتي ووياهم كلاب بوليسيه وانتزعت منه اعتراف. عرفت الي وره هالسالفه كلها هديل وهي من قبل هوايه جانت تهدد واول تهديد الها جان بالصالون لنادين وكلتلها يجي يوم نقتلج وفعلا نفذت تهديدها بس اني فديتها بروحي لان عشقتها وتغيرت على مودها وغيرت حياتي كلها. زواجي من هديل جان بدافع حمايتها النادين بس صار الع**. زواجي منها غلطه لازم تتصلح اما زياد جان كل همه ياخذ مني الي عندي واضاهر هديل تعرفه لذلك سلطته على ساره وخلته ياخذها وايضا املاكي بفلوس ابويه السجلتهم باسم نادين اخذهم لان عينه متشبع وميريد ولاالف احصل من ابويه. حقدت على هديل هواي وكرهتها اكثر شون تكدر تدز ناس يقتلون شون تتحمل دم بشر بركبتها هي بشاعه انتظرت اليوم الي اعاقبها بي بس جنت محتار اشون اعاقبها وابني فكرت بي هوايه واثر حتى على نفسيتي. جمعتهم كلهم ببيت اهلي واخذت نادين ورحت اعرفهم عليها. الكل انصدم ابويه ومرته بقوا كاعدين هم يعرفون اني متزوج غير هديل بس عبالهم تركتها. زياد انصدم صدمة عمره. هديل ماسيطرت على اعصابها وكفت محتاره شتحجي. بس وجهه ينطي الوان تريد تنفجر. ايهاب ونجم يعرفون لذلك جان عادي عدهم كتلهم راح تعيش ويانه هنا. يله نادين سلمي على ابويه وخالتي (مرت ابويه) نادين: اباوعلهم محد متقبلني فرات خلاني بموقف محرج جنت اتمنى اهله يباركون زواجنا بس مو بهالطريقه ابد فشلت كلش سلمت على ابو عود رد عليه ومرته هم. بس شون راح اعيش وياهم شون وياسر هم شون راح يتقبلونه. كعدت يمهم هم عود سوو نفسهم ممنتبهين الوجودي زياد اترخص وراح هديل دخلت جوه وبقى ابوهم واولاده يسولفون بالشغل. واني مدنكه ومااعرف شنو اسوي. بعدها صاحتني ام زياد ادخل جوه باوعت الفرات هز الي راسه بمعنى فوتي وياهه. فتت جوه كعدت بالصاله وهي هم كعدت. ظلت تسألني شون تزوجني فرات شون تعرفت عليه وشون اهلي قبلوا بهيج زواج! !! احتاريت بالاجابه دااحجي اريد اكوللها شون تزوجنا فاتت هديل. هديل: خاله اني اكولج شون قبلوا اهلها؟ ؟ لانها جانت خدامه بالبيوت وره ما خلصت حاجتهم منها شغلوها بصالون ترديها ماتوافق على فرات وظلن يضحكن. مانكرت شي وسكتت دنكت راسي وجعتني معدتي وردت اتقيئ كلش انهاريت. بس بقيت ملازمه مكاني ومااتحرك وعيوني ع الارض،لحظات ودخل فرات من الباب ورحت يمه كتله اريد اروح للحمام. ليش شبيج بيج شي؟ ؟ اييييي تعبانه وداني للحمام فتت مااكدرت بعد اتنفس زين ولاكدرت اتقيئ حتى ارتاح غسلت وجهي وطلعت. هو جان ينتظرني قريب ع الحمام كال راح اجيب ياسر واجي ابقي هنا لافدوه فرات لتخليني وحدي هنا ماعليج شي حبيبي شسالفه. لاعفيه كتلهم يحظرون النه غرفه فوك هسه يمكن خلصوا امشي اوديج الهاا ترتاحين بيهاا تن*دت وصعدت ويا دخلت للغرفه كعدت على السرير كال شبيج عادي تعبت شويه خو ماسمعوج شي جوه هم عادي لازم اسمع شي. هديل لو ام زياد انت كولي ابوك حجه عليك؟ ؟ اجه كعد يمي كال حبيبي كعدتنا هنا مؤقته ماشي. هسه رايح اجيب ياسر ماامنه بيد احد خوش انت ارتاحي باسني على راسي وراح. قفلت الباب وراه وتمددت اباوع على الغرفه ود*كورها لون بيجي ومأطر بذهبي نعست ونمت. بين النوم واليقضه احس بيدة الباب تتحرك فزيت عبالي فرات كمت كلت منو فرات محد جاوب خفت ومافتحته رجعت كعدت ع السرير ورفعت رجليه خفت كلش ظليت اتخيل اشياء هديل ولازمه سجينه وتريد تقتلني بعدهالمره اكيد راح تقتلني بأيدها مراح ترتاح. فرات ابويه حجه عليه ليش جبت نادين هنا وليش تجرح هديل خطيه حزنانه وابوها هسه ميت وعدها مشاكل وي اخوتها. شرحت اله بس مقبل يسمع مني دخلت جوه شفت نادين تعبانه كلش عرفت مسمعيها حجي. وديتها الفوك ونزلت. تلكتني هديل عندي حجي وياك اني هم بس مو هسه لااااء هسه لتصيحين كل شيي انكشف وعقابج راح يكون عسيييير بس اصبري عليه. عفتها وطلعت مرت كم يوم احنا وياهم نادين تعبانه كلش وهذا الشي خلاني اهتم بيها واطلعها بالحديقه تغير جو ونطلع وناخذ عبود وياسر ويانه متركتها جنت اخاف عليهاا وكل هذا صار امام انظار هديل. فد يوم نزلت اريد اطلع رادت تحجي ويايه اخذتها ورحنه لغرفتها احجي اسمعج فرات طلگني انت ماتستاهل حبي حبج؟ ؟!! الي يخليج تهاجمين بشر وتقتلي؟ ؟ هذا مو حب هديل مو حب. فرات اني ماسويت شي لاء سويتي لاتنكرين اكو شهود عليج وعندي دلائل ومنتظر الفرصه حتى اعاقبج لج مييية مره گتلج عوفيها النادين هي الزوجه الاولى وانت الثانيه انت الي هديتج احلى ثمره وهو عبدالله ومجنت مقصر وياج شتردين بعد شتردييين ترحين تدزين زوج اختج يقتلهه ليش هااا؟ ؟ لييش. هديل: ميخالف هسه طلگنيي. فرات: اي بس تتنازلين عن عبدالله هديل: تحرمني من ابني؟ ؟ حرام عليك فرات: هذا اقل عقاب ممكن اعاقبج بي انت عقابج السجن لان هي جريمة شروع بالقتل. هديل: طلكني فرات اريد اسافر وي امي اخواني سوو النه مشاكل اريد اطلع منا فرات: انت اختاري بين السجن وبين السفر تنازلي عن عبود وروحي. هديل: حرام عليك فرات حرام. فرات :عفتها وطلعت من الغرفه واخذت عبود ويايه خاف تاخذه وتنهزم. هديل بعد ماعدهه ظهر الجانت تتقوه بي ابوها مات ،حرب وي اخوتها بعد وفاة ابوها، نبيل غدرها وفش سرها كدامي زياد ميكدر يسوي شي مدام نادين عندي ومخليها بقلبي. خيرتها بين السجن وبين التنازل عن ابني تنازلت وسافرت ويا امها. ردتها ماتتواصل وي عبود ابد بس نادين كالت هي ام واني ام واحس صح اكو شر بداخلها بس غريزة الامومه تبقى حاله طبيعيه عند كل انثى. ظلت هديل تتواصل ويا عبود بالتليفون. اخذت نادين وياسر وعبدالله وسافرنه لان مجنت حاس بالامان وصرنه احلى عائله وننتظر بيبي على احر من الجمر. بعد سفرنه بأشهر وصلني خبر اولاد زياد توأم عمرهم 16سنه قضوا بحادث **روا ظهره الزياد بموتهم وتأذى وصار عنده جلطه. دائما الخير هو الينتصر والظلم عمره مايدوم لم يقرر الانسان ان يأذي انسان اخر بدون ذنب فعليه ان ينتظر العدل الالهي هو ينصفه. الصبر مفتاح الف*ج مهما طال صبرنا يجي يوم وتف*ج في طرفة عين ولاكأنما عانينا وتألمنا. خلصت القصه احب اشكر متابعتكم وتعليقاتكم القصه دمج بين الحقيقه والخيال. شون؟ ؟؟ اني دائما اتواصل وي بنات ع المسنجر ويحجولي قصص مو شرط قصصهم هم لا يمكن قصص سامعيها فتبقى تجول بخيالي واصنع منها قصه. اكو مواقف حقيقيه خليتها بالقصه وحتى شخصيات حقيقيه. بس شخصية فرات تأثرت بشخصية في رواية اسمها سجينة طهران الروايه حزينه ومؤلمه عن فتاة مسيحيه سجينه يقع جلادها بحبها ويتزوجها غصب اذا تحبون اقروها. انتهت ? نورا ناصر.

Great novels start here

Download by scanning the QR code to get countless free stories and daily updated books

Free reading for new users

Scan code to download app

App Store Google Play

Facebookexpand_more