اغتيال فرات ١٣

1360 Words

في طرفة عين بارت 13 اول مالزمت الفون وصلت اشعارات من صفحة هديل زوجة فرات اني اعرفها الصفحتها. اخر رساله قريتها بصورة الدردشه ع الشاشه كاتبتله بسيطه فرات تطلگنييي اني اعلمك انت راح تجبرني اسوي شغلات عمرك ممتوقعها تصير الك !!!! باوعت الفرات جان متمدد ع الجربايه ويكرز حب فتحت محادثتها وكعدت اقرا بالمسجات من البدايه تتوسل بي ، عفيه فرات اني مالي ذنب والله هو زياد الي خطط الكل شي رجعني فرات اني شكد تحملت منك هيج تجازيني! !! بعدهه بلشت رسائل التهديد تهدده اذا مارجع الها تكوله مااكدر ااذيك بس امحيها من الوجود مثل ما محيت غيرها. رجفت بلحظتها انتبه عليه فرات. كال شبيج؟ ؟ انت طلكت هديل خلصتي من التليفون؟ ؟ مااريده بعد اريد تليفوني باجر اجيبه الج اريد اطلع وارجع للصالون تعبت من كعدة البيت. مو هسه ليش هالشي اله علاقه بطلاق هديل؟ ؟ تقرب مني وقربني اله خله راسه على ص*ري كال: حبيبتي هنا امن الج قريبا نطلع منا ونرتاح. لزمت راسه والعب ب*عره فرات احجيلي ليش طلكت هديل ومنو هذا زياد التحجي عنه؟ ؟ شغله جبيره كلش مو مال احجيها واخوفج لا لا لازم تحجيلي تعبت واني عايشه بغموض وياك!! باعي بالنسبه الزياد فهو اخويه وعدوي بنفس الوقت واني شاك بي اله علاقه بحرك امي. يمه يمه شنوووو باعي اني راح احجي اذا كل شويه تنزين وتتعجبين مااكمل وروحي يم ابوج نامي احسن مادوخين راسي. هي هيه خيطت حلكي وراح اسمعك للاخير. اي عفيه صيري حبابه حتى احبج. ليش انت متحبني ؟؟ لا اني وصلت وياج لأقصى درجات الحب والوله والتيم والعشق لتكوليلي اخاف. لا ماخاف. وانت تحبيني نادين. اي احبك بس ياريت حبنا اجه بغير وكت. يعني لازم تخلين بيها بس؟ ؟ كمل حبيبي كمل اوك نرجع الموضوعنه كتلج سابقا امي احتركت وعمري 7 سنوات خوش نجم اصغر مني عمره 4 زياد اخويه الاكبر مني ب7 سنين جان مراهق وشقي ومؤذي حيل أذانه اني وامي واخويه بشكل متتوقعي جان حتى ض*ب يض*ب امي وهو عمره 14سنه بس طويل وضخم ومعبالك هالكد عمره لا مبين عمره 16او 17 وجان ابويه مسانده ويكبر راسه. بيوم جنت بالمدرسه رجعت للبيت شفته مدخن وهوسه عرفت بيومها امي احتركت بحادثة تسرب للغاز ونجم مصاب بالحروق عرفت خسرت امي وكعدت ابجي وادعي مااخسر نجم شقيقي الوحيد. لذلك جان عندي شك كبير بانه زياد هو الي حرك امي جان بذاك اليوم يضحك هو وامه هواي سمعت قهقهاتهم تملي أذني. هذا كل الي صار. بالنسبه الهديل ابوها صديق ابوي وشريكه وتربطنا صداقه طووويله جنت اشوف بعيون هديل الحب والاعجاب لكن مجنت أگدر أحبها ابد. جنت اعتبرها صديقه فقط بعدها انفرضت عليه هديل وبتهديد من زياد تزوجتها. - بشنو هددك؟ ؟ هددني بيج اذا ماتزوجتها وهو شنو اله علاقه مصالح مصالح وي ابوها ليش انت متكدر تحميني؟ ؟ مااكدر خفت اخسرج مثلما خسرت امي من حبيتج اعتبرتج مو بس حبي وزوجتي لا حتى امي وخفت لا افقدج مثل مافقدتها عشت ايام صعبه واني خايف عليج. نادين: تمددت يمه كتله يعني هسه انت ابني؟ ؟ سحبني اله ونام بحضني كال اي اني ابنج ولازم ابرج لان ماعندي ام اصير الها ابن بار. ومرت ابوك؟ هه خليها على صفحه هي عشنا بكنفها بس بويل وعذاب. فرات تحبني اكثر من ابنك؟ ؟ متشوفيني مكابلج وكاعد وحتى ماروح اشوفه! ! خطيه هو مااله ذنب. اعرف مااله ذنب ، زين وانت تحبيني اكثر من ياسر؟ صفنت شويه كتله احبك واحبه اي طبعا اني مومن اولوياتج مستحيييل؟ ؟!!! لا حبيبي لتكول هيج هو اني اشفت منه ياسر.هسه مكتلي ليش طلكت هديل؟ عرفت متفقه ويا زياد وتريد تأذيني بيج ماافتهمت تأذيك لو تأذيني. اذا اذتج اكيد راح اتأذى اني ،لذلك انطيتها درس من هذا التمام التمام. فرات شنو طبيعة شغلك وي ابوك. لعبان نفس اني تركته للشغل وي ابويه من زمان. من شوكت. ؟؟ من حبيتج. ردت اشتغل بالحلال حتى اوكلج حلال واذا صار عدنه طفل هم ياكل ويشبع بالحلال امي الله يرحمها جانت مأمنه على فلوسنا وي خوالي. مانطتهم لابوي لان تعرف هو شنو من مله بعد ماكبرنه اني ونجم خوالي سلمونه الورث مالة امي الحمدلله مأمنينه النه. فتحنه مشروع اني ونجم ودنشتغل بتجارة السيارات. زين والصالون وهذا البيت وسيارتي وحمايتك منين؟ باعي بصراحه الصالون وهذا البيت من فلوس ابويه بس السياره لا مني ومن فلوسي الي من الحلال. وبس نطلع منا مناخذ شي بس خلي ارتب وضعي اعيشج احسن عيشه. دمعت عيوني كتله وياسر؟ ؟ ضحك كال ناخذ ويانه ونخاوي بكوومه اخوان وكومه اخوات بس اصبريييي فدوووه احبج. تأخر الوكت واحنه منشبع من السوالف لاول مره مدا اشبع منه لاول مره احس مااريد اوخر من على ص*ره هو جان نعسان ومطفي عبالك سكران عيونه حمر من النعس واني مدااكدر مجايني نوم وكل اشويه احجي ويا وأكعده وهو يلبيلي ويجاوبني فكرت هذا شكد متولع بيه ويحبني واني مااحس !! كلي نامي ابوج يكعدج من الفجر مداكدر انام فرات. شنو تردين اسويلج حتى تننامين حبيبي. ؟؟ ماادري احجي ويايه قص الي قصه. مااعرف اقص قصص مممم اكولج شعر؟ ؟ يله كول اي شي بس لتسكت اريد اسمع صوتك. ضحك وكام اتكه على ع**ه وفرك عيونه يوخر النعس. كال بشرط شنو اريد تحسين بالكلمات الي راح اكولها الج بس انتِ اعتبريها انكتبت الج واني الكاتبها مو نزار قباني. هههههه كتله ماشي يانزار اقصد فرات هههه كرصني من خدي. بقيت فاتحه عيوني بوجهه مدااشبع من عيونه وظل يقرا الشعر. وعيونه منعسه وبصوت ثمل أسرني لغير عالم. احبك ... لااادري حدود محبتي طباعي اعاصير وعاطفتي سيلُ واعرف اني متعب ياصديقتي واعرف اني اهوجٌ وانني طفلُ احب باعصابي احب بريشتي احب بكلي لااعتدالٌ، ولا عقلُ انا الحب عندي جدة وتطرفُ وت**سر ابعاد ونار لها اكلُ وتحطيم اسوار الثواني بلمحةٍ وفتح سماء كلها اعين شهلُ وتخطيط اكوان وتعمير انجمٌ ورسم زمان ماله شكلُ انا ماانا فلتقبليني مغامرا تجارته الاشباح والوهم والليلُ احبك تعترين في خمس عشرةَ ون*دك في خير وخصرك معتلُ وص*رك مملوء بالف هديةٍ وثغرك دفاق الينابيع مبتلُ تعيشين بي كالعطر يحيا بوردةٍُ وكالحمر في جوف الحوابي لها فعلٌ وقبلك لم اوجد فلما مررت بي تساءلت في نفسي ترى كنت من قبلُ بعينيك قد خبأت احلى قصائدي اذا كان لي فضل الغنا فلك الفضلُ. .. خلص اخر كلمه واني ذايبه بكلامه وكع ع المخده وسحبني الص*ره مره ثانيه وناااام اني مانمت بسرعه افكر بالكلمات الي كالها الي وحسيتها اخترقت روحي ومشاعري وكل احساس بيه وعيوني مركزه عليه واتأمل ملامحه .نمت . الصبح كعدت هو مو يمي كمت مثل المفزوعه ادور عليه اليوم شبيه عليه يمكن تعودت عليه لان كله يمي هالايام حتى الصبح مرات يبقى يمي. رحت للحمام غسلت وسمعت صوت بالمطبخ شفته هو وابويه خطيه مغسل اله ومسويله اكل وديحضر النا ريوك اني ويا. كتله صباح الخير وابتسامتي شاكه حلكي هو هم ضحك واجه باسني وكال ياريت دوم هيج اشوفج مبتسمه. ابتسمت مره ثانيه وبسته بخده وكتله ان شاءالله كمل الريوك وكعدنا ناكل كل شويه يكولي اكلي زيتون اني ماحبه ابد عاد هو يخلي بحلكي زيتونه اكلهه واعضه بصبعه ونضحك وميبطل كل شويه يوكلني. خلصنا اكل وساعدني اشيل المواعين لان فرات من يسوي اكل تنفجر قنبله بالمطبخ المواعين مكومه اكوام. كتله اله تغسل ويايه شكل ملابسه وكف يمي يجلف المواعين صب الزاهي نصه بالجلافه وصار كومه رغوه وكل شويه يتلفني وضحكنه عالي وابويه مره يضحك ويانه مره يبجي. جنت اضحك من كل گلبي بس ممرتاحه حاسه يريد يصير شي راح فكري يم ياسر عبالي صار اله شي . ظليت ابجي. حضني فرات ويسكت بيه حد ماهديت.بقه يمي طول اليوم تغدينا سوه رجعلي تليفوني وخابرت الحجيه اطمنت على صحتها كالت هم هذا مثل عليوي اخذ رنا وهسه هذا اخذج مني. ضحكت كالت اغراضج بغرفتج قفلت عليهن الباب كتله غير مره اجي اخذهم. اي تعاي مشتاقتلج والله تعودت عليج. اجي باقرب وقت ان شاءالله. المغرب تخربط ابويه كلش خلينا بالسياره ونقلنا للمستشفى.بس بالطريق الوضع مجان تمام حسينه باحد يراقبنا، بقيت يم ابوي وبعدها فرات كال راح اخلي احد يمه خلي نرجع ممرتاح بالبيت أمن النا. گتله ماشي. طلعنا من المستشفى ونريد اروح للسياره مرينه بمكان جان اظلم شويه وشبه فارغ ودراجه لحكتنا حسينا بشي مريب فرات دفعني بقوه من جهة الشارع ثواني حضني قوي حيل ووكعني بالارض ونام عليه كله غطاني بجسمه لحظات مرعبه اشبه بأفلام الرعب والاكشن نفسي انكتم حسيت بخنكه من الرهبه ومن جسم فرات وضاع حتى النطق بقيت ثواني جوه فرات جان يهذي اريد اعرف شصار حسيت برطوبه بملابسي حاجيته فرات فرات دفعته بقوه منهكه، تلمست ملـابسي قربت ايدي لعيوني دم دم رحت يم فرات جان مدد بصفي متفصله عني غير سنتمرات قليله يهمس باحرف اسمي نا نا نا لزمته من وجهه دم دم غركان بالدم لزمت ايده عصر ايدي لحظه اقل اللحظه ورخت ايده صرختتتتتت فراااااات. للحكايه بقيه نورا ناصر

Free reading for new users

Scan code to download app

App Store Google Play

Facebookexpand_more