Mataas ang sikat ng araw nang masilayan ni Megumi si Silver hindi kalayuan sa pwesto niya na abala sa pakikipag-usap kay Xenon. Sa hindi malamang dahilan namalayan na lamang ni Megumi na nakangiti na pala siya habang nakatingin sa gawi nina Silver at Xenon na masaya pa rin na nag-uusap. Dahil sa kaarawan ng anak ni Xenon na si Gavin, nagpasiya ang mga ito na magkaroon ng kaunting salo-salo para sa araw ng kapanganakan ng anak nito. Dahil sa abala pa rin si Silver sa pakikipag-usap nito kay Xenon nagpasiya si Megumi na mauna nang kumain lalo na't nakararamdam na siya ng gutom. Bukod dito, alam din ni Megumi na matatagalan pa si Silver at Xenon sa pag-uusap nila, lalo na't napansin niya na mukhang nagkakatuwaan pa ang mga ito. Isama mo pa rito na hindi rin nakaligtas sa kaniyang paningin ang
