"Mommy? Where are we going?” tanong ni Joaquim habang nakasakay kaming lahat sa van, si Julio ang nagda-drive, ako ang katabi niya. Si Bruno, Balduin, Falco ang magkakatabi habang sa likod na seats naman ay sina Yago na kalong ang one year old na si Yulises at katabi niya si Fabio. Naka-carseat ang mga bata para secure and protected sila.
“Pupunta tayo sa bahay ng Ninang Sherri niyo.” sagot ko na nakangiti. Actually, excited na akong makita siya. Kapapanganak lang niya sa panganay nilang babaeng anak na pinangalanan nilang Strawberri. Gusto ko sana siyang dalawin man lang sa ospital kaso may mga anak akong maliliit. Ngayon nga eh nakauwi na siya sa bahay nila at sinabi ko sa aking mga asawa na puntahan namin sila. Kainggit nga eh kasi may little girl na siya agad. Eh ako apat na lalake a
