عزت كان واقف مصدوم واول ما شاف اللي دخل عليه ابتسم بشر: جيتي في وقتك كنت فكراك حد تاني تعالي يلا ساعديني نوصلها بيتها عشان تكون ميته في بيتها ومحدش ليه علاقة
ضحكت داده فاطمه: يخرب عقلك يا راجل هو دا وقته قتلتها ليه دلوقتي يا عزت مش يمكن كونا نعوزها قدام وكمان مش خايف تتكشف ويعرفوا انها جريمة قتل
عزت: لا خلاص وقتها خلص يا فاطمه دي حاولت تقتلني زمان ومش بعيد ترجع تعملها تاني خلينا نخلص منها بقي وكمان متخفيش انا عامل حسابي كويس دي جرعة م**رات زيادة ولما يكتشفوا موتها هتبقي ماتت بجرعة زيادة مش قتل ولا حاجه
ضحكت فاطمه: دماغك سم يلا طيب بسرعه قبل ما قاسم يرجع ولا حد يشوفني وكمان انا محتاجه اتكلم معاك متنساش انك جوزي واني شركتك في كل حاجه
عزت بصلها بقلق وخد مديحه وصلها بيتها هو وفاطمه وكان اتصل بالحارس بتاعه يجيب عربيه ترجعوا الفيلا لانه راحل بعربية مديحه
فاطمه اول ما ركبت العربية وهما رجعين
