مراد كان بيتكلم في التلفون: يا ابني احب مين دي مجرد لعبة بحاول اخلص بيها من اللي انا فيه مش اكتر
اتصدمت منه ودخلت وهي منهارة: لعبة اي دي يا مراد اللي بتتكلم عليها وقصدك اي هو في اي انا معرفهوش ممكن افهم وكنت بتكلم مين اصلا في وقت زي دا
رد بتوتر: صباح الخير يا حبيبتي دا صحبي كونا بنتكلم علي مشكلة ليلي مش اكتر هو اتصل يطمن عليا ومحبتش اقلقك فدخلت البلكونه مش اكتر
منه ارتاحت وحضنته: متقلقش يا حبيبي هانت نرجع بس البيت وتاخد الدهب تبيعه وساعتها نخلص من ليلي دي خالص
مراد بحب وخبث: انا بجد مش عارف اقولك اي ربنا يخليكي ليا يا حبيبتي انتي فعلا اعظم انتصاراتي واحلي حاجه حصلت في حياتي
منه بدلع: طب يلا يا حبيبي بقي خلينا نجهز الشنط بتاعتنا انا ماما وحشتني اوي بجد اول مره ابعد عنها المده دي كلها
ابتسم مراد بخبث ودخل معاها...... قاسم كان سايق وبعد ساعه وصلنا الفيلا وانا مبسوطه اوي واول ما دخلنا
