Chapter 35: Mga Grupo ng Taong Lobo
LAMAN parin ng isipan ni Margaux ang sinabi ni Lumino sa kanya. Hindi niya lubos maisip na ganoon pala ang dahilan ni Lunos. Ngayon ay kailangang mas lalo pa siyang mag-iingat. Hindi magandang impormasyon ang sinabi ni Lumino sa kanya. Sa oras na makuha si Margaux ni Lunos ay papatayin siya nito at muling bubuhayin ang kabiyak na isa ring masamang bampira.
Nang dumating si Teejay ay kaagad na ring naglaho si Lumino. Wala na itong ibang sinabi pa. Ngunit nakatitiyak siyang may marami pang nalalaman si Lumino.
“Saan ka ba galing bata ka?” tanong niya sa bunsong kapatid.
“Hinanap rin kita, ate. Hindi kita mahanap-hanap kanina kaya hinalughog ko ang buong campus.”
“Mabuti nalang talaga at hindi ka napahamak… tayo na nga.”
Nagtungo na sila sa parking l
