Chapter 38: Pagkulong
SAUNANG mga araw na hindi na nakikita ni Margaux si Conal ay labis siyang nalungkot at hinahanap ng kanyang isip ang binata. Maging sa kanyang pag-aaral ay tila hindi na siya nakikinig dahil napatulala nalang siya bigla. Hindi niya inakala na maaapektuhan siya ng lubos sa pag-alis ni Conal kahit pa’y babalik ito. Ngunit walang kasigurduhang magkikita sila muli. Araw-araw ay isa iyong panganib at banta sa kanya. Ang mga taong lobo na kanyang nakakasalubong ay kakaiba kung makatingin ang mga ito.
“Manang Angus… mamaya pa po ba ang balik ni Drake?” tanong niya sa ginang na taong lobo. Tapos na silang kumain at nagpapasalamat siya na sabado na bukas.
“Oo, siguradong mamaya pa ang kanyang uwi dahil may preperasyon silang ginaganap para sa darating na paligsahan.
“Ano
