"Napansin mo ba? Parang may sugat sa kamay si Sir Dane," sabi ni Percy habang nag-aabang sila ni Natalie ng masasakyan pauwi.
Tahimik lang si Natalie, tila malalim ang iniisip.
"Alam mo, hindi ka na nagkukwento sa akin... Tsaka nagtataka na rin ako. Hindi naman siya nag-stay ng matagal diyan sa hotel, 'may bahay naman siya, may condo pa. Sabagay, kahit saan niya gusto, pwede naman."
Tahimik pa rin si Natalie, hanggang sa muling magsalita si Percy.
"O, ano na? Mag-kwento ka naman," pilit niya.
Nagpakawala muna ng malalim na buntonghininga si Natalie bago nagsalita.
"Hindi ko alam kung galit siya sa akin. Tinawag niya akong gold digger... na yaman lang daw ang habol ko."
"Ha? So, 'yun pala?" tugon ni Percy, halatang gulat.
"Ayaw ko kasing mag-usap tayo sa loob ng hotel. Baka may maka
