Mariin kong ikinuyom ang aking mga kamao. Ibang-iba na talaga si Itay. Kahit na sabihin pang putol na ang paa nito ay hindi pa rin ito nagbabago. Isang buntonghininga na lamang ang aking ginawa. Sana lang ay makapagtimpi ako habang nag-uutos kami.
Ngunit hindi pa ako nakakapagsalita nang muli na namang umataki ang bibig ni Jaya.
“Black, kahit anong sabihin mo ay hindi na rin maaalis na ako na ang asawa ni Kulas. At hiwalay na ang Inay mo at si Kulas. So, ang ibig sabihin lang noon ay mga anak na lang kayo sa labas. Kaya mas mabuti pang pumirma ka na lang upang matapos na tayo. Huwag kang mag-alala si Kulas ang gagastos ng lahat. Ang gagamitin na ninyong apelyido ay ang apelyido ng Inay niyo na Hemzel. Wala na rin kayong karapatan sa mga ari-arian ni Kulas. Ngunit may makukuha naman kay
