Kitang-kita ko ang pagsiklab ng malaking apoy na ngayon ay kinakain ng dalawang sasakyan. Kung tama ang aking hula ay bagong-bago ang dalawang kotse.
“Ahh! Hayop ka, Black!” sigaw ni Jaya. Agad na lamang akong tumalikod. Ngunit muli kong kinuha ang isang granada. Pagkatapos ay basta ko na lang ibinato sa maliit na kubo. Wala naman akong makitang tao roon kaya alam kong safe. Malakas pa akong humalakhak. Dinig na dinig ko ang malakas na sigaw ni Jaya, dahil sa muli kong pagpapasabog sa kubo nila. Ngunit wala akong pakialam dito. Hindi pa kami tapos. Patikman pa lang ‘yon.
Agad akong sumakay ng aking kotse at matulin ko itong pinatakbo. Hindi ko akalain na makakaganti ako ng biglaan sa mga taong umapi sa amin. Wala naman talaga sa plano ko ang pasabugin ang kotse nila. Ngunit nang marinig
