"Are you going to cook for me or not?" kulit ni Jeanna kay Sungit. Nakalatag na ang lahat ng sangkap para sa kare-kare, may liempo, pechay, sitaw, talong, alamang, peanut butter, atsuwete, cornstarch, dinikdik na bawang at sibuyas.
All prepped thanks to Senyora Kim. Tinitignan ni Jeanna ang Prinsipe ng Kadiliman.
"You cook the rice," marahang itinulak ni Sungit si Jeanna sa kinaroroonan ng rice dispenser. "Ako na ang bahala sa ulam."
"Okaaaay.." at nagsaing nga si Jeanna.
Si Sungit naman ay hinarap ang lulutuing kare-kare. Kumuha siya ng maliit na mangkok at nilagyan ng kaunting maligamgam na tubig saka inilagay ang atsuwete.
"Sigurado ka bang alam mo 'yang ginagawa mo, Sungit?" singit ni Jeanna. Prente siyang nakaupo sa kitchen counter. "Puwede naman tayong manood nung vlog ni Ba
