TAPOS NA ANG unang subject nila Aliyah nang makapasok ni Celestine sa silid-aralan nila. Kaagad itong naupo sa kaniyang tabi at ngumiti sa kaniya. Ganoon din ang ginawa niya habang nakatingin dito.
"Tapos na ang meeting ninyo?" tanong niya sa nobya.
"Hmm. Nainip ka ba?" tanong ni Tine sa kaniya.
Umiling siya. "May klase naman kaya hindi ako masyado natagalan sa pagbalik mo." Bagay na totoo. Isa pa ay nag-iisip din siya kung paano sasabihin dito ang bagay tungkol sa invitation ni Lavi sa kaniya. Alam niya na papayag ito pero sasama ang loob nito panigurado kung siya lang. Kaya ang balak niya ay sasabihin niyang sumama ito para mapanatag.
Tinuon na muna niya ang atensyon nang pumasok ang professor nila sa susunod na subject. Masaya naman silang dalawa na nakiisa sa klase at nang muling
