NAKARATING NA si Emily sa unit ni Dante. Hinanap niya ang binata ngunit wala ito. Patay ang ilaw. Kaya naman sa mahinang tinig ay nagsalita siya sa kawalan.
"Dante... narito na ako," mahina ngunit madiin na tawag niya.
Pahirapan pang nakapunta siya rito. Paano, si Cruz ay nagpupumilit sumama sakaniya. Tila nagdududa nga ito sakaniya kanina dahil bihis na bihis siya. Hindi niya ito masisisi. Malimit siyang mag-ayos noong nasa Germany sila. Ang katwiran niya ay nasa bahay lang naman siya at ang importante ay presentable ang itsura niya. Hindi na niya kailangan pang magpaganda.
Kaya siguro, naninibago sakaniya ang asawa dahil pusturang pustura siya ngayon. Pero hindi lang ito ang naninibago. Kahit siya ay nanibago sa asawa. Hindi naman nito kinukwestiyon kung saan siya pupunta o ano ang mg
