MANILA, PHILIPPINES
Masaya at kuntentong pinagmamasdan ni Emily si Alessandra at Cassandra habang nanunuod sa TV nila ng cocomelon. Sinasabayan nito ang kanta sa bulol na paraan, gumagalaw galaw din ang mga katawan nito. Sobrang cu-cute ng mga ito! Kung hindi nga lamang siya natatakot na baka mapaano ang mga ito ay nakurot na niya sa pang-gigigil ang braso't hita ng mga ito. Ang tataba at siksik! Ang bango bango pa. Napakagagandang bata.
Vine-videohan niya ang mga ito. At para namang may sarili nang isip ang mga bata at alam kung ano ang ginagawa niya. Mas nagpacute pa ang mga ito at nagbeautiful eyes pa. Kaya naman napangiti siya ng mas malaki at lumabas sa bibig niya ang tunog ng isang kasiyahan. Tila natuwa naman ang kambal sa nakikitang katuwaan ni Emily, kaya sumabay ang mga ito sa
