بئر الحيات . البارت الأول

3232 Words

بئر الحيات. البارت الاول . بقلم/ هدير سعيد . صحيت من النوم لقيت حد بيصحيني ويقول لي اصحى يا لارا اصحى في مصيبه اصحى بسرعه .... النهارده حصل حاجه غريبة جدا.حاجه عمري ماكنت اتخيل انها تحصل بيني وبين اعز صديقة ليا.كنت بعتبرها اكتر من اختي كانت هي كل حياتي ...... انا لارا عندي 30 سنه كنت عايشه في بيت صغير انا و جوزي واولادي عندي ثلاث اولاد ربنا يحفظهم ويبارك فيهم يا رب حياتي ابتدت في المكان ده من سبع سنين صاحبت صديقه واعتبرتها اكثر صديقه لي حبيتها من كل قلبي كنت بحبها وبخاف عليها وبحب اولادها جدا بحس انهم زي ولادي بالضبط ... .كنت عايشه مليش اختلاط بأي حد نهائي مفيش غير اصدقاء عمري.هما اللي بكلمهم كل فترة نتطمن علي بعض ونسأل علي بعض ... ونقلت مكان جديد وكنت برضه فحالي مليش اي علاقه بحد كنت بخاف اصاحب حد. عشان من صغري امي ربتني ان الاختلاط بالناس بيجيب مشاكل وعدي كام شهر واتعرفت علي جيران جديده هما اللي جم اتعرفو عليا .فالاول .. كنت م**وفه جدا لاني اول مره اختلط بحد ... لكن بعد كام يوم خدنا علي بعض جدا واكتر واحده حبتها من كل قلبي هي ميرڤت كانت روحي مكنتش بعمل اي حاجه من غير مااقولها ... كنت باخد رأيها فكل حاجه فالكبيره والصغيرة وهي كمان كنت فاهمه انها بتحبني زي مانا بحبها ... كانت بتتكلم علي كل الناس وحش وحلو مفيش حد الا لما بتجيب فسيرته .. مجاش ابدا فدماغي انها ممكن تغدر بيا او تتكلم عليا فيوم من الايام ... كنت بصدقها فكل حاجه لاني مكنتش اعرف معادن الناس كويسين ولا وحشين .... كنت بتعامل بتلقائيه جدا .... ماهو محدش بيتعلم ببلاش ... عيشنا مع بعض ايام حلوه اوي كان بيتي هو بيتها وهي كمان بيتها هو بيتي ... اول ما سكنت في المكان ده حسيت ان انا وحيده ما اعرفش اي احد خالص في المكان .. ابتديت اتعرف على ناس وناس كثيره تعرفني .. بس هي صديقه واحده اللي انا حسيت معها بالامان حبيتها من كل قلبي وبقينا نحكي لبعض كل حاجه في حياتنا حتى حياتي الخاصه بحكيها لها وهي كمان بتحكي لي كل حاجه .. صاحبت ناس كثير وجيران كثير بس عمري ما حسيت ان انا لي اخت بجد غير معها هي كانت اختي اختي بتغير منها بتقول لي يا لارا انت بتحبيها اكثر مني فوزية دي كانت كل حياتي ... حتى امي واخويا بيقول يا بنت يا لارا انت ايه اللي جرالك انت عمرك ما حبيتي صاحبة قد ما حبيتي صاحبتك دي للدرجه دي بتحبيها اوي كده ... كنت باقول لهم اه والله باحبها يعني انا ممكن اخذ من عمري واديها يعني نفسي كده ربنا يطول في عمري عشان افضل معها طول حياتي ما تبعدش عني لحظه .... كان جوزي ينزل يروح شغله الساعه سبعه الصبح بعد الساعه سبعه اكلمها واقول لها يالارا تعالي اقعدي معي يا حبيبتي انت وحشتيني تيجي نفطر مع بعض نجهز فطار وانا اخلص الفطار نشرب اي حاجه وانا اقعد في الجنينه نتكلم انا وهي مع بعض .. كنت باحس بجد بالوان اسمعها كانت ماليه على حياتي كلها وبعدها نضبط البيت وننزل السوق انا وهي نجيب طلبات من عشان نعمل الغداء كل حاجه بنعملها مع بعض نجيب الفاكهه مع بعض ونعمل الحلويات مع بعض ... كان جوزي بيجي الساعه ثلاثه يلاقيني مجهزه له كل حاجه ... البيت نظيف و الاكل جاهز وهي كمان كنت بخليها تعمل كل حاجه زي بالضبط كنا بنشجع بعض على كل حاجه كويسه كانت كل حياتي ... وفي مره كنت قاعده انا وهي في الجنينه قعدنا نتكلم ونحكي كل واحده فينا بتضايق من ايه وبتحب ايه ابتديت اعرف هي بتحب ايه عشان اعمله لها نفسها في ايه عشان اجيبه لها وهي كمان لقيتني باحب البرفانات بقت تجيب لي لقيتي بحب الورد بقت تجيب لي الشوكولاته بتجيب لي وانا ببادلها نفس الشعور وكنت بجيب لها كل اللي هي نفسها فيه ... في يوم كنا بنشرب قهوه وب نفطر مع بعض . بعض فشربنا القهوه انا وهي لقيتها قلبت الفنجان بتاعي باقول لها بتقلبي الفنجان لي يا فوزية .. قالت لي : هقرألك الفنجان قلت لها انت بتعرفي تقراي الفنجان ؟ قالت لي : اه طبعا باعرف اقراه بس انا مش بقرأ لاي احد عشان انت حبيبتي واختي انا هقرأهولك .. قلت لها ماشي وفرحت جدا ساعتها ... مسكت الفنجال في يديها وقعدت اقرا في وبعدين لقيتها بتبص لي في عيني جامد بتقول لي لارا اقول لك حاجه بس ما تزعليش .. قولت لها قولي يا حبيبتي قالت لي انت قلبك ابيض وريني القلب وهو مرسوم في الفنجان ولونه ابيض فعلا زي المرسوم بالضبط كان قلبي حقيقي .. قلت لها ايه ده ؟ قالت لي : انت قلبك ابيض وطيبه وصافيا من جوه وكل اللي يعرفك بيحبك خلي بالك من جوزك ... قلت لها ليه يا فوزية بتقولي كده قالت لي جوزك هيعرف واحده عليكي و هيسيبك .. قلت لها : ازاي قالت لي اسمعي الكلام خلي بالك من جوزك .جوزك انت باينه اللي انت مش ماليه عينه رغم ان انت جميله و عسوله بس هو برضه عينه فارغه في حد لفت نظره و بيفكر فيه ..وو عايز يسيبك قلتلها معقوله احمد يعمل كده .. قالت لي : اه معقوله مش معقوله ليه ما كل الرجاله بتعمل كده و معظم الرجاله بتخون مراتتها فانت خلي بالك .. و نصيحه مني ما تزعليش ولا تجيبي سيرتي لاي حد انا يالارا مش بكذب عليكي .. قلت لها : حاضر يا حبيبتي هاخلي بالي .. قالت لي اهتم بنفسك وبصحتك عشان خاطر ما حدش هينفعك في الاخر ... قلت لها عندك حق فعلا .... وبعدين قالت لي : في ثعبان وصلك وبيلف جسمه حوالين رقبتك قلت لها مين الثعبان ده قالت لي : الله اعلم خلي بالك .. وفي اثنين قاعدين بيبصوا لك عايزين يضمروكي ويخربوا عليكي حياتك كلها ويخليكي تبعدي عن جوزك خالص .. قلت لها : مين اللي بيفكر يؤذيني انا عمري ما اذيت حد.. قالت لي : خلي بالك من جوزك ومن اهل جوزك كويس قوي عشان خاطر انت ما تعرفيش مين اللي عايز يخرب عليكي حياتك .. مش ممكن يكون اهل جوزك او صحابك مثلا ... قلت لها : لا انا صحاب عمري عمرهم ماياذوني عشان انا عمري ما اذيت حد وكل اصحابي بيحبوني يبقى ازاي عايزين يؤذوني يا ميرفت اكيد لا ده كلام في فنجان يعني الحاجات دي اساسا حرام انا ما اعتقدش بها ... قالت لي طب انا قلتلك خلي بالك عشان اللي جاي خير وشر ليكي يعني في خير ربنا يكرمك ويفتحها عليكي فيه وفي شر هيفضل محاوطك من جميع الجهات مش عارفه تخلصي منه .. قولتلها طب ازاي يعني هيحصل لي كده وانا بصلي مش اللي بيصلي ربنا بيقف معاه وما بيخليش حاجه وحشه تمسه ... قالت لي : اه طبعا بس برده الحسد مذكور في القران والناس الوحشه ما بتسبش حد في حاله خلي بالك يا لارا الطيبه اللي انت فيها دي ما تنفعش في الزمن ده ... الناس ما بقتش شبه بعض الناس دلوقتي تتمنى لبعض الشر مش الخير ..... انا فجأه بعد ماهي قالتلي كده حسيت بحاجه غريبه اوي سرحت وانا مش عارفه انا سرحت فايه ..... وفجأه بصيت فعقارب الساعه لقيت احمد قرب ييجي من الشغل وقتها حسيت نفسي اتخضيت لان كل حياتي مكركبه والبيت مكركب والوقت سرقني من القعده مع فوزية حاله غريبه من الرعب ارتابتني كل حياتي اتلغبطت من الوقت ده .... حسيت ان كل حاجه اسودت فوشي بعد الكلام اللي هي قالتهولي .... وحسيت ان انا خلاص بقرايتها الفنجان ليا انا اتطردت من رحمة ربنا لان دايما امي كانت تقولي ان الحاجه دي حرام وانا للأسف جربتها .... المشكله ان انا بقيت فسراع نفسي مع عقلي وبقيت بين الشك واليقين هل اللي هي قالتهولي ده صح ولا لا ؟! .. وفنفس الوقت ابتدت حياتي تنهار نفسيآ وطبعا كنت خايفه اقول لاحمد عن الحاجات دي او مقولش لانه راجل مصلي وعارف ربنا كويس وكان برضه هيعمل معايا مشكله ومش هيخليني اكلم فوزيه تاني .... وفنفس الوقت اللي أمي فيه كانت قريبة مني جدا وكنت حكيتلها علي الحاجات دي كانت هتاخد نفس الموقف بتاع احمد .. عشان كده انا محكيتلهاش لاني مع الاسف تربيتي كانت موجهه من امي ان الصح صح والخطأ خطأ ومابينهما مشتبهان ... لقيت نفسي بعد كده ان بعد ماقريتلي الفنجان بقيت علي طول سرحانه بقيت مهمله فولادي وفبيتي وفنفسي وفالسؤال عن امي .كل حياتي ابتدت تنهار حواليا من غير مااحس... بصيت لقيتها فجأه كل يوم هما عارفين ان جوزي بيروح شغله بدري اوي .. الاقيها اول واحده بتكلمني وبتقول لي عملت ايه في اللي قلته لك ... هاي يا لارا تاكدت ان جوزك عارف واحده عليكي ولا لا ... قلت لها : لا لسه ما اتاكدش يا فوزيه بس انا محتاره ودماغي عمال هتنفجر من التفكير مش عارفه اعمل ايه يا ترى اللي انت بتقوليه ده صح فعلا انا بقيت متغيره جدا ... لقيتها بتقول لي : لا ما تضايقيش نفسك انا هاجيب ساندي ونيجي نقعد معاكي .... واحده جارتي برده اتعرفت عليها بس بقى عمرها ما دخلت بيتي ... فوزيه جابتها معها عشان يتعرفوا عليا و تقعد معايع بقى و نحكي قصص حياتنا كلنا مع بعض ... جوزي مشي الساعه7:30 بالظبط لقيت فوزيه جايبه ساندي وجايه لي ساعه ثمانيه ... طبعا حضرت الفطار وعملت لهم عصير بعد الفطار وبعدين طلعنا نشرب القهوه في الجنينه ... و برده نفس الكلام .. لقيت ساندي بتبص لفوزيه وبتقول لها لقيت فوزيه ماسكه الفنجان بتاعي فا بتقول لها : هو انتي بتعرفي تقراي الفنجان قالت لها : اه يا ساندي اقرا لك انتي كمان قالت لها : اه طبعا ده انا نفسي في كده قوي من زمان انا بحب الحاجات دي جدا فانا بصيت ل**ندي قلت لها : ما تعمليش كده يا ساندي لان الفنجان ده حرام وعشان انا جربت وبعد ما جربت تعبت فيا ريت ما تعمليش انت كمان كده ... قالت لي : بطلي نكد يا لارا انت بتحبي النكد كده ليه انا بحب افك عن نفسي واعرف ايه الجديد في حياتي .... رديت وقلت لها : اللي يريحك يا ساندي اعمليه علي العموم انا نصحتك عشان خاطر ربنا لكن عايزه تقراي الفنجان براحتك بس من فضلك يا فوزيه ما تقرأيش ل الفنجان ثاني لان انا حاسه ان ربنا هيغضب عليا وحتى لو انت كلامك صح برده اعرفه بس مش عن طريق حاجه حرام ... قعده فوزيه وساندي يبصوا لي ويضحكوا ويقولوا لي البنت الاموره دي شكلها معقده ولا ايه هتتعبنا كده وقعدوا يهزروا ويضحكوا وانا ابص لهم ومستغربه انا امى مربتنيش على كده انا امي طول ما عمرها ما عرفاني الحلال من الحرام والصح من الغلط ... وبعدين لقيت فوزيه مسكت الفنجان بتاع ساندي وقعدت تقرالها في وتقول لها : انت في حد معجب بيكي وانت جوزك ما بيحبكيش وعلى طول بيشتم و بيشرب م**رات .. قالت لها : انت عرفتي كل ده ازاي قالت لها انا باعرف كل حاجه من الفنجان ماتسالنيش ازاي .. فساندي وشها جاب الوان وقعدت تقول وتفكر هو بجد الكلام ده حقيقي وتبص لي وتقول لي هو بجد يا لارا الكلام ده ممكن يكون حقيقي .... قلت لها : الله اعلم انا مابعتقدش في الكلام ده ... وساندي قالت لي فوزيه : وبعدين يا فوزيه في ايه ثاني مكتوب عندك في الفنجان ... قالت لها : انتم عندكم قطعه ارض من زمان قوي القطعه دي بعد كم سنه هتتفك عقدتها وهاتبيعوها وهيوصلك ملايين منها انتي ومامتك وباباكي واخواتك قالت لها بجد هو انتي عرفتي ازاي فعلا احنا عندنا قطعه ارض مش عارفين نبيعها خالص عليها مشاكل هو بجد العقدة بتاعت الارض هتتفكك ...! قالت لها : ان شاء الله هتتفك وهتبقى من الاغنياء و هيبقى معاكي فلوس كثير جدا بس خلي بالك من جوزك وجوزك بتاع م**رات بيشربها وبيوزعها و بيتاجر فيها كل ده موجود عندي في الفنجان ... طبعا ساندي وشها جاب الوان وقعدت تقول يا لهوي هاعمل ايه دلوقتي هكمل معاه حياتي ازاي واولادي اروح بيهم فين مين هيستحملنا ... مين هياخد باله مني ومن ولادي .... بصيت لفوزيه بصه غريبه جدا وقلت لها : ما تقوليلهاش حاجه ثاني ويا ريت نقفل الموضوع الفنجان ده احنا خلينا اصحاب كويسين حلوين مع بعض ويا ريت ما نقراش فنجان ثاني عشان كل اللي احنا بنعمله ده حرام .. طبعا قعدنا شويه مع بعض وبعدين سابوني ومشيوا .. فجاه لقيت جوزي بيفتح الباب ودخل البيت ... احنا طبعا كنا في الجنينه بنشرب القهوه هم مشيوا هو دخل حصل حاجه غريبه قوي لقا البيت مكركب والاكل لسه ما اتعملش واول مره في حياتي اعمل كده طبعا ... هما قعدتهم معايا ضيعتلي وقتي كثير وقعدت معاهم لغايه من الوقت سرقنا وجوزي اما جيه ملقاش اكله اتخانقنا انا وهو مع بعض وقعدنا اسبوع ما بنكلمش بعض خالص ... انا غلطانه عارفه بس مش عارفه اعمل ايه حياتي تغيرت تماما. ... بقيت اناوجوزي على طول في مشاكل على طول في مشاكل مابيهداش بسبب معرفتي بناس جديده انا حياتي مكانتش كده خالص انا حياتي كانت ماشيه طبيعيه جدا بس من ساعه ما اتعرفت على فوزيه وحياتي اتشقلبت 180 درجه للأسوأ .... اول ما احمد دخل لقيته بيقول لي فين الاكل يا لارا انا جعان .. قلت له : معلش هاقف اعمله بسرعه قال لي ليه هو انت كنت فين قلت له كنت قاعده مع جيراني في الجنينه والوقت سرقني ما حستش بيه ... قعد يزعق وقال لي : من امتى انتي كده يعني انا اشتغل واطفح الدم وفي الاخر ما لقيش لقمه اكلها وهتاكلي عيالك ايه ... قلت له : انا هأكلهم اي حاجه من الثلاجه قال لي ازاي يعني حرام عليكي دول اطفال انت هتتعلمي الاهمال من دلوقت يانت ايه اللي جرالك انا لازم اشوف حل معاكي .. حقك عليا يا احمد انا والله ما اقصدش والله العظيم ما حسيت بالوقت خالص ... قال لي : ازاي انتي مش حاسه ان جوزك جاي .. وجاي تعبان مش المفروض تخلصي بيتك وتعملي أكلك وتخلصي حاجتك اللي انت المفروض تعمليها الاول .. انتي ما كنتيش كده فوقي لنفسك شويه يا لارا ..... دخلت الاوضه بتاعتي وقعدت اعيط جامد قوي وقعدت افكر مع نفسي واقول انا ايه اللي باعمله في نفسي ده انا هافضل ماشيه ورا كلام الناس واسمع كلام فوزيه وهي بتقول لي جوزك انت مش ماليه عينه .... ولا افكر في بيتي ومستقبلي اللي هيضيع بسبب ان انا ماشيه وراء الناس .... ولا ارجع لقراءه الفنجان ثاني واعرف ايه اللي بيجرالي والناس بتقول عليا ايه ... وبتعمل في ايه انا مش عارفه اعمل حاجه انا بقيت شخصية انا ما اعرفهاش انا حياتي بتدمر قدام عيني حتى اولادي ما بقتش بقعد معاهم خالص .. بقيت على طول بزعق فيهم وعصبيه و سايباهم وخايفه يكون احمد جوزي عارف واحده عليا بجد و بيكرهني ما بقاش يحبني ... يبقى انا ضيعت كل حاجه ضيعت اولادي وضيعت جوزي وضيعت نفسي وبيتي انا مش عارفه اعمل ايه انا حياتي اتدمرت ..... نمت وانا مش عارفه هاعمل ايه صحيت من النوم على صوت رنت تليفوني لقيت ساندي بتتصل بي .. وبتقول لي : عامله ايه يا لارا انا عايزكي في موضوع ضروري انا عايزاكي اتكلم معاكي شويه قلت لها حاضر يا حبيبتي تعالي تنوريني اتفضلي قالتلي عايزين نكون لوحدينا هنا مش عايزه فوزيه ولا اي احد يسمع بالكلام اللي هاقولهولك ... قلت لها : لا طبعا سرك في بير و تعالى و فضفضي وقولي اللي انتي عايزه براحتك انا قلت هاتكلم مع ساندي واقول لها ان انا هفضفض معاها باللي جوايا بس فضلت افضل ساكته انا برده ما اعرفهاش كويس ... وقلت اسمع منها هي عايزه ايه بدل ما اروح افضفض معها بالكلام وفي الاخر الكلام يتقال هنا وهنا والناس كلها تعرف قصه حياتي وتعرف قصه بيتي لقيت الباب بيخبط فتحت لها سلمنا على بعض وقعدنا عشان نتكلم انا وهي .... ها يا ساندي احكي لي ما لك بقى في ايه انت في حاجه مضايقاكي وعايزه تحكي لي صح بس قبل ما تحكي قولي لي تشرب ايه يا حبيبتي ... قالت لي : مش عايزه ما ليش نفس ... قلت لها : لا والله لا هتشربي عيب قالت لي : طب ممكن تعمليلي فنجان قهوه .. قلت لها : لا بلاش قهوه هاعمل لك معايا نسكافيه سيبك من القهوه دلوقتي واعمل لي كوبايه نسكافيه بوش شكلها جميل قوي هتعجبك قالت لي حبيبتي تسلمي لي يسلم لي ذوقك .. ووقفت عملت لها النسكافيه اللي عايزه ادوقهولها بطريقتي وحبت النسكافيه بتاعي جدا .. وقالت لي تسلم ايدك يا حبيبتي تعبتك معايا... ايه شغل الفنادق الجميل ده ... قلت لها : بالف هنا يا حبيبتي وهي قعدت واتكلمت معايا وابتدت تفتح معايا في الكلام .... ساندي : هوانتي يا لارا بتصدقي في حوار الفنجان ده يعني انت مصدقه اللي فوزيه بتقولهولي ولا انتي حاسه احساس غريب زي اللي انا حساه ... قولت لها : يا ساندي انا ما بصدقش بس من ساعه ما هي اتكلمت معاكي واتكلمت معايا على جوزي وجوزك بدا الشك يدخل جوايا وابتديت ادور بجد يا ترى هي كلامها صح ولا كل ده كلام فاضي .. واحنا ما نعتقدش بالكلام ده لانه كلام حرام وانا عمري ما اؤمن به ابدا ... ساندي : بس انا يا لارا حاسه ان فوزيه عندها حق لانى بلاحظ ان جوزي بقى غريب مش طبيعي مش بيركز خالص على طول ماسك الموبايل في ايده في حاجه غامضه ... اكيد هي تعرف حاجه احنا مش عارفينها اكيد ظهرلها حاجه احنا مش باينالنا انا خايفه جدا .. مش خايفه علي جوزي لا خايفه على كرامتي وعلى احساسي و شعوري ازاي انا ساندي بنت الناس بنت الدكتور هتتجوز واحد بيشرب م**رات و بيتاجر كمان فيها ... واولادي لما يكبروا هاقول لهم على باباهم ايه مش عارفه هاعمل ايه انا بنت الناس المحترمين يحصل معايا كل ده تفتكري كل ده صح ولا كذب على دماغي هتنفجر .... _اهدي بس يا ساندي وكل حاجه هتتحل يا حبيبتي باذن الله تعالى نقوم نتوضا انا وانت ونصلي الظهر.. الظهر اذن وبعدين نقعد نكمل كلامنا .... ساندي : حاضر يا لارا هاقوم اصلي معاكي انا ما اعرفش ليه حبيتك قوي من اول ما شفتك حاسه ان انتي زيي بنت ناس ومثقفه ومحترمه و مؤدبه حتى طريقه كلامك قريبه جدا مني .. انا حاسه ان فوزيه دي واحده غريبه عننا مش نفس اللغة بتاعتنا ولا نفس مستوانا الاجتماعي ولا الثقافي ابدا احنا حاجه وهي حاجه ثانيه حتى في طريقه كلامها تحس ان كلامها شعبي كده وبيئه شويه .... قولت لها : خلاص يا ساندي بقى عشان مترتكبيش الذنوب قبل الصلاه الله يسهل لها ويسهل لعباده كلهم يا رب مش عايزين نتكلم على حد كل اللي تقوليه وانتي بتصلي ادعي ربنا يهديها ويصلح حالك ويصلح بيتك ولو في حاجه هتضرك وتضر بيتك ربنا يبعدها عنك ان شاء الله و عني يارب . .... ساندي : حاضر يا لارا يا حبيبتي هاسمع كلامك تعالى يلا نقوم نصلي مع بعض ... وبعد ما صليت انا وساندي لقيت ساندي بتقول لي ما تيجي اساعدك في شغل البيت شويه ... طبعا انا اتحرجت جدا منها وقلت لها : لا ما تتعبيش نفسك انا هاعمل كل حاجه على مهلي .. قالت لي : لا والله هساعدك ووقفت الصراحه معي روقنا الاوض وظبطنا البيت والصاله وعملنا كل حاجه حتى بعد ما خلصت وقفت تساعدني في عمايل الغداء عشان اخلص اللي ورايا قبل ما جوزي يجي ... قلت لها : ربنا يخليكي يا رب انا ارتحت لك جدا والله انا غصبا عني بس المره اللي فاتت جوزي اتخانق معايا خناقه كبيره بسبب ان انا ما عملتش غداء فانا عشان كده قلت ليكي انا هاقوم اروق مش قله ذوق مني يعني ... ساندي : انا اكيد فاهماكي يا لارا لان معظم الرجاله بتبقى كده .. انا جوزي لازم ييجي يلاقي الغذاء جاهز والاكل كل حاجه جاهزه والشقه مترتبه وهدومه مغسوله ومطبقه في الدولاب كل الرجاله بتحب النظام ما تزعليش من جوزك... واحنا نرتب نفسنا نخلص كل حاجه قبل ما هو يجي عشان بعد ما يجي ما يحصلش معاكي مشكله وما تضايقيش نفسك يا حبيبتي وان شاء الله كل حاجه هتتحل للاحسن باذن الله ... ردت ساندي وقالت لي : ان شاء الله يا حبيبتي اروح انا بقى عشان افطر ولادي و اجهز بيتي قبل ما جوزك يجي وان شاء الله نتقابل ثاني على خير ... بس القعده اللي احنا قعدناها مع بعض دي مش عايزه مع فوزية تعرف بها حاجه .. وانا رديت وقلت لها : طبعا يا حبيبتي من غير ما تقولي انا عمري ما هاروح اتكلم على حاجه انتي قولتهالي ابدا خلي بالك من نفسك .. اشوفك على خير ان شاء الله ...

Free reading for new users

Scan code to download app

App Store Google Play

Facebookexpand_more