Nala POV
HABANG tumatakbo ang speed boat sa malawak na karagatan patungo sa maliit na isla ay panay naman ang kuha ko ng video at pictures. Hinahayaan kong salipadparin ng malakas na hangin ang aking mahabang buhok at laylayan ng dress.
Ang ganda ng paligid at parang mga kristal ang karagatan na kumikinang dahil sa tama ng araw na malapit ng lumubog. Malamig na rin ang hangin dahil mababa na ang araw.
Tinutok ko ang video cam ng cellphone kay Gordon na syang nagmamaniobra ng speed boat. Nakasuot sya ng shades at nilipad din ng hangin ang kanyang wavy'ng buhok ganun din ang suot nyang puting short sleeve polo na bukas ang mga butones. Kaya naman nakatambad ang kanyang tan na rock hard body na tinatamaan pa ng sikat ng araw. Ang kanyang mga muscle sa braso ay nagfi-flex pa kapag kinakab
