Gordon POV
INIKOT ikot ko ang basong may lamang alak habang nakasuksok ang isa kong kamay sa bulsa ng suot kong sweater. Narito ako sa balcony at nakatanaw sa madilim na karagatan na tanging mga poste lang ng ilaw ng resort ang nagbibigay liwanag. Malamig ang ihip ng hangin mula sa dagat. Alas dose na ng hating gabi pero heto ako at gising na gising pa.
Bumuntong hininga ako at sinimsim ang alak sa baso. Nilingon ko si Nala sa loob ng kwarto na mahimbing ng natutulog sa kama. Alas sais na kami nakabalik mula sa isla. Kumain lang sya at agad ng nakatulog dahil sa pagod.
Napangisi ako ng maisip ang kapilyahan ng nobya sa isla. Isang gabi at isang araw lang kami doon pero punong puno yun ng masasarap na alaala na hindi ko malilimutan. Sobrang wild nya at game sa lahat kaya naman sobra di
