Gordon POV
MARIIN kong kinuyom ang kamao habang sinusundan ng tingin si Nala na pumasok na sa kwarto ng kanyang ama. Parang punyal na tumatarak sa puso ko ang mga salitang binitawan nya. Ramdam ko ang galit nya sa akin. Ramdam kong nanganganib ang relasyon namin.
Tumiim bagang ako. Hindi ako papayag na tapusin nya ang relasyon namin. Akin sya. Kukunin ko sya kay Diosdado.
Lumapit ako sa kwarto ni Diosdado at sa maliit na salamin sa pinto ay nakita ko ang nakaratay na katawan nya na may mga nakakabit na kung ano anong aparato sa katawan. Sa gilid ng kama nya ay nakaupo si Nala hawak ang kanyang kamay.
Bumuntong hininga ako. Gusto kong lapitan ang nobya para damayan sya. Pero hindi ako ang kailangan nya ngayon dahil ako ang taong kinasusuklaman nya ngayon.
Umigting ang panga ko at t
