Nala POV
"KAYA pinlano ko ang lahat para mapalapit sa daddy mo. Nagtagumpay naman ako. Naging investor nya ako at business partner. Pero siniguro ko na hindi nya malalaman ang kaugnayan ko kay Lolo Valentine dahil mautak sya."
Tumingin ako sa kanya. "P-Pati ba ang pakikipaglapit sa akin ay pinlano mo? Pati ang pagpapaibig sa akin?" Punong puno ng pait ang boses ko. Pati ang dibdib ko ay punong puno din ng pait at hinanakit.
Saglit na hindi sumagot si Gordon at nakatitig lang sa akin ang mapungay nyang mga mata. Marahan syang tumango.
"Oo, pinlano ko. Lahat ay pinlano ko."
Parang may punyal na tumarak sa puso ko sa kanyang hinayag. Walang kasing sakit na marinig yun mula sa kanyang labi. Sunod sunod na tumulo ang luha sa aking mga mata.
"Pero.. totoong nagustuhan kita. Minahal kit
