"Mukhang club party ang tema ng birthday ng kaklase nyo ma'am ah." Komento ni Kuya Ron.
"Mukhang ganun na nga kuya." Sinukbit ko na ang sling bag sa balikat.
"Naku, kung malaman ng daddy nyo na club party pala malamang pauuwiin kayo."
Sinamaan ko ng tingin si Kuya Ron. "Huwag nyo ng sabihin kuya. Pinayagan na nga ako eh."
Kumamot na lang sa ulo si Kuya Ron.
"Sige na kuya, bababa na ako."
"Eksaktong alas nuebe ma'am, susunduin ko na kayo ah. Yun ang sabi ng daddy nyo. Pero kung mapapaaga ang uwi nyo tawagan nyo na lang ako."
"Oo." Binuksan ko na ang pinto ng sasakyan at bumaba na.
Sumalubong sa akin ang maalinsangang hangin ng gabi. Bumusina si Kuya Ron. Tinanguan ko naman sya bago sya umalis.
Pinagmasdan ko ang bahay nila Richie. Malaki yun. Kasing laki din ng bahay namin.
