UMUPO si Miss Black sa isang eleganteng upuan na nasa harapan ng limang tao na nagkukumahog sa paghahanap ng susi sa isang box para sa kaligtasan ng kani-kanilang buhay. Talagang na-e-entertain siya sa ginagawa niyang ito. Isa ito sa mga bagay na hindi kayang bayaran ng limpak-limpak na salapi na meron siya ngayon. Halos wala na kasi siyang kasiyahan dahil lahat na ay nasa kanya. Lahat na lang ng bagay ay ordinaryo at boring. Mabuti na lang talaga at naisip niya ang Box Game na ito. Napakasarap palang paglaruan ng mga tao. Sa Human Auction kasi ay paulit-ulit na lang ang nangyayari. Magbebenta siya ng parte ng katawan ng tao tapos magkakaroon siya ng pera. Iyon at iyon na lang din. Walang thrill.
Sa pamamagitan din ng Box Game na ito ay nakita niya ang iba’t ibang uri tao at kung ano ang
