Chapter 62
Ariana Xiamara
PAGKATAPOS naming mag–usap ni Azreal, pakiramdam ko ay parang nabagsakan ng daang–daang tonelada ang dibdib ko. Masakit, wala man lang siyang pakialam, kahit sa batang pinagbubuntis ko na lang sana. Hindi ko alam kung paano ko tatanggapin ang sinabi niya. Hindi niya matanggap ang bata...at ang pinakamasakit pa, gusto niya akong dalhin sa isang abortionista.
Walang–hiya siya, pagkatapos niyang magpakasarap iyon lang ang sasabihin niya.
Ilang oras na akong nakahiga, nagkukulong rito sa kwarto, nakatitig lang sa kisame habang tuloy–tuloy ang pagpatak ng luha ko. Ilang beses kong pinipilit pigilan ang hikbi ko, pero hindi ko magawa.
Doktor siya, pero handa siyang ipapatay ang sarili niyang anak. Kung ayaw niya sa aki, tatanggapin ko, pero 'wag naman sana pati ang
