Hades’s POV
Maaga akong umuwi mula sa klase. Dala-dala ko ang lunchbox na ipinabaon sa akin ni inay. Ano kaya ang ulam para mamaya? Sana prinitong tilapia tapos sasamahan mo pa ng maanghang na toyo at suka. Grabe, ang sarap! Natatakam tuloy ako lalo. Sana nakahanda na ang hapunan sa bahay mamayang pag-uwi ko.
Nakarating na ako sa bahay. Kumatok ako sa pinto ngunit walang sumasagot. Sinubukan kong buksan ito at hindi siya naka-lock. Hmm, bakit kaya?
“Inay, itay, nandito na po ako!” bati ko. Nakita kong walang tao sa sala kaya nagpunta ako sa kusina para tignan kung nandoon sila. “Nay, tay, Nakauwi na po ako!” saad ko ngunit wala pa rin sila doon. Nasaan na kaya sila?
May narinig akong tunog na nanggaling mula sa kwarto namin. Dali-dali akong tumakbo roon. Nakabukas na ang pinto kaya pu
