Kgaolo ya 9Damon o be a robetše ka go ikokotlela ka legoswi la gagwe, a bogetše meriri ye mesehlana ye boleta yeo e lego ka pele ga hlogo ya Alicia ge a hema. O dirile tša marato le yena lekga la bobedi ka morago ga diiri tše mmalwa tša go feta efela o kwa a na le nyakego ya go ba ka garegare gagwe. Ge a mo obelela, a mo phophola ka menwana ya gagwe lerameng ka boleta a hlohleletšwa ke nyakego ya go mo kgoma. O ile a myemyela ge dintšhi tša mahlo a gagwe di bulega.
Alicia a kwa a iketlile ka botlalo ge a phaphametše borokong bja gagwe. Go mo tšere metsotswana gore dikgopolo tša gagwe tša bošego bja go feta di boye ka kgopolng ya gagwe di hlola gore mošito wa pelo ya gagwe o sepele ka lebelo. Letšhogo la seo a se dirilego la mo tsena ka marapong a gagwe ge a ekwa kwagalo ya bohloko mmeleng
