Ngayon ko napatunayang magagaling nga talaga silang lahat at kung gaano karami ang mga taong humahanga sa kanila. Kitang-kita ko ang ibang saya ng mga taong nanood kahit malapit o malayo man ang pwesto nila para makita nila ang apat. Masaya na sila at ‘yun ang mahalaga.
Tumayo na'ko para hanapin si Zero kailangan ko nang simulan ang mission ko. Marami pa namang taong narito. Pwedeng narito rin ang mga taong may masamang balak sa kanya.
Nasaan na kaya sila? Nagmadali na lang akong nakipagsiksikan sa mga fans nila para makapunta ako sa backstage.
"Miss, bawal ka dito."
"Ahm, pinapunta kasi ako ni Zero dito." Tinaasan lang ako nang kilay ng dalawang staff.
"Huwag ka nang bumuo pa ng kwento Miss. Isa ka rin siguro sa mga obsess fans nila at saka hindi ka rin naman pasado kay Dwight eh.
