Malapit na ang pasko kaya abala kami sa pagluluto ng mga pagkain para sa noche buena. Ganito pala kapag may sarili ka ng pamilya. Ikaw lahat ang namomroblema sa kung ano ang lulutuin, sa kung paano idedecorate ang buong bahay. Pero ayos lang dahil sa ilang taon na ang nakalipas ay nasanay na ako atsaka may mga kasambahay naman na nandiyan para tumulong saakin.
“Manang, bakit kulang nanaman yung mga cookies dito? Kaka bake ko lang ah.” nagtataka kong tanong. Nagpaturo pa ako kay Mariese para mag bake ng cookies para ihanda sa noche buena. Balak ko silang ilagay sa isang medium sized na jar at bigyan ng ribbon na kulay red para magmukha itong cute pero ang ipinagtataka ko lang ay sa bawat pag be-bake ko ay parang laging may kulang.
“Hindi ko alam, hija. Kakabalik ko lang galing ng palengke
