Naalimpungatan na lang si Cassady dulot ng kung anong lamig sa paligid. Doon niya nabatid na wala si Jordan sa kanyang tabi kaya naman nagpalinga-linga siya ng tingin sa kuwarto para hanapin ito. Pero mukhang walang kahit anong bakas ng lalake sa loob.
"Jordy?" Punas niya na lang ng mata habang pilit na bumabangon sa kama.
Binalingan niya ang relo sa may lamesa. Mag-aala singko y medya na, kaya naman nagdesisyon na siyang bumangon.
Napayakap na lang siya sa sarili nang matanggal na ang kumot, dulot na rin ng lamig sa kapaligiran. Dahil na rin sa laki ng tiyan ay nahirapan siyang bumangon ng mabilisan sa higaan.
"Jordy?" muling tawag niya na lang sa lalake nang makalabas na ng kuwarto.
Dulot ng katahimikan ay bahagyang umalingawngaw ang kanyang boses sa kabahayan, pero kahit na ga
